وزیراعلٰی سندھ مراد علی شاہ کا کہنا ہے کہ سندھ میں ابتک 23158095 افراد کی ویکسینیشن کی جاچکی ہے۔

وزیراعلیٰ سندھ سید مراد علی شاہ نے کورونا وائرس کی صورتحال سے متعلق اپنے بیان میں کہا ہے کہ گزشتہ 24 گھنٹوں میں3318نمونوں کی جانچ کی گئی۔ جبکہ گزشتہ 24 گھنٹوں میں مزید 39 نئے کیسزرپورٹ ہوئے۔

وزیراعلٰی سندھ کا کہنا ہے کہ گزشتہ 24 گھنٹوں میں مزید ایک مریض انتقال کرگیا۔ اموات کی مجموعی تعداد 7605 ہے۔

مراد علی شاہ نے کہا کہ آج مزید 220 مریض صحتیاب ہوئے ہیں جبکہ صحت یاب افراد کی مجموعی تعداد 452459 ہوچکی ہے۔

ان کا اپنے بیان میں کہنا ہے کہ اب تک 6585204 نمونوں کی جانچ کی جاچکی ہے۔ اب تک 472241 کیسزرپورٹ ہوچکے ہیں۔

وزیراعلٰی سندج کے مطابق اس وقت12177مریض زیرعلاج ہیں، 11959 گھروں میں،23آئسولیشن سینٹرزمیں اور195مریض مختلف اسپتالوں میں زیرعلاج ہیں۔

مراد علی شاہ نے اپنے بیان میں کہا کہ 190 مریضوں کی حالت تشویش ناک بتائی گئی ہے۔ 10 مریض وینٹی لیٹرزپرہیں۔

ان کا کہنا ہےکہ صوبے کے39 نئے کیسزمیں سے31 کا تعلق کراچی سے ہے۔ ضلع جنوبی 12، ضلع شرقی 10، کورنگی5، ضلع وسطی 2، ملیر اورغربی 1-1 نئے کیسزرپورٹ ہوئے۔ حیدرآباد 4، بدین ، دادو، قمبراور کشمورمیں 1-1 کیسز ہیں۔

وزیراعلیٰ سندھ نے مذید کہا کہ گزشتہ 24 گھنٹوں میں91351 افراد کو ویکسین لگائی جاچکی ہیں۔