سراج الحق نے کہا ہے کہ حکمرانوں میں اہلیت نہیں کہ وہ ملک کے مسائل حل کر سکیں۔

تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ عوام متحد ہو کر اسٹیٹس کو کو چیلنج کریں، ظالم اشرافیہ سے نجات کے لیے پُرامن جمہوری جدوجہد وقت کا تقاضا ہے۔

سراج الحق نے کہا کہموجودہ اور سابقہ حکمرانوں کی پالیسیوں میں رتی برابر فرق نہیں، اصلاحات کے لیے تمام سیاسی جماعتوں کا اتفاق ضروری ہے۔

امیر جماعت اسلامی کا کہنا تھا کہپی ٹی آئی بڑے قومی اداروں اور میڈیا پر کنٹرول چاہتی ہے۔ مفادات کی لڑائی جا ری ہے، عوام کی کسی کو پرواہ نہیں۔

 سراج الحق نے کہا کہحکومت سوا تین سالوں میں کسی شعبے میں بہتری نہیں لا سکی، کرپشن کے ناسور نے ملک کو کھوکھلا کر دیا ہے۔

امیر جماعت اسلامی کا کہنا تھا کہ حکمرانوں میں اہلیت نہیں کہ وہ ملک کے مسائل حل کر سکیں، حکومت نے نئی نسل کے لیے تعلیم کے دروازے بند کر دیئے۔

سراج الحق کا یہ بھی کہنا تھا کہ فیسوں میں اضافے سے قلم اور کتاب کو ہاتھ لگانا ناممکن بنا دیا گیا، بار بار وعدوں کے باوجود طلبہ یونین پر پابندی نہیں ہٹائی گئی۔

امیرجماعت اسلامی سراج الحق کا مزید کہنا تھا کہپی ٹی آئی کی الیکشن ریفارمز قابل قبول نہیں، ابھی سے الیکشن میں دھاندلی کے منصوبے بنائے جا رہے ہیں۔