لائبریری سے پڑھنے کیلئے لی گئی کتاب 73 سال بعد واپس کر دی گئی

سید قاسم رضا

17th Nov, 2021. 05:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لائبریری سے پڑھنے کیلئے لی گئی کتاب 73 سال بعد واپس کر دی گئی

لائبریری سے پڑھنے کے لیے لی گئی کتاب 73 سال بعد واپس کردی گئی ۔

روپرٹ ہیوز کی تحریر کردہ ’اسٹیٹلی ٹمبر‘ نامی ایڈونچر اسٹوری 6 نومبر 1948 کو ایبٹ اسٹریٹ میں ڈنفرم لائن پبلک لائبریریز (موجودہ سنٹرل لائبریری )میں واپس کردی جانی چاہیے تھی۔

تاہم فائف لائبریری جو اب ڈنفرم لائن کارنیگی لائبریری اینڈ گیلریز ہے، کا عملہ گزشتہ ہفتے کتاب پر مشتمل ایک پارسل وصول کر کے دنگ رہ گیا۔

لائبریری سے کتاب لینے والے شخص کی بیٹی کو سات دہائیوں بعد یہ کتاب ملی تو انہوں نے اسے لائبریری کو واپس کردیا۔

لائبریری میں ثقافتی خدمات کی اسسٹنٹ ڈونا دیور نے بتایا کہ جب میں نے پارسل کھولا تو میری ہنسی چھوٹ گئی اور مجھے یقین ہی نہیں آیا۔

انہوں نے مزید کہا کہ ہماری لائبریری کی برانچ میں حال ہی میں 14 سال بعد میں ایک کتاب واپس آئی تھی جو ہمارے خیال میں کافی حیرت انگیز تھا، لیکن یہ اس سے کہیں زیادہ حیرت انگیز ہے۔

ڈونا دیور کا کہنا ہے کہ تفریحاًاس کتاب کی واجب الادا رقم کا حساب لگایا تو وہ 2847 پاؤنڈ بنتی ہے۔