زائد سپلائی کی تنبیہہ اور یورپ میں بڑھتے کووڈ کیسز سے آئل کی قیمت میں کمی

سید واصف الرحمان

17th Nov, 2021. 07:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

زائد سپلائی کی تنبیہہ اور یورپ میں بڑھتے کووڈ کیسز سے آئل کی قیمت میں کمی

بین الاقوامی توانائی ایجنسی (آئی ای اے) اور اوپیک کی جانب سے تیل کی ضرورت سے زائد سپلائی کے انتباہ اور یورپ میں کووڈ 19 کے بڑھتے کیسز کے باعث بدھ کو تیل کی عالمی قیمت گر گئی، گرچہ امریکی تیل کے اسٹاک میں توقع سے زیادہ کمی نے نقصانات کو روک دیا۔

برینٹ کروڈ آئل (خام تیل) کی قیمت منگل کو ہوئے 38 سینٹس اضافے میں 1 فیصد کمی کے بعد 81،64 ڈالر فی بیرل ہوگئی جبکہ امریکی ویسٹ ٹیکساس انٹرمیڈیٹ (ڈبلیو ٹی آئی) کروڈ آئل کی قیمت 1،2 فیصد کمی کے بعد 79،82 ڈالر فی بیرل پر آگئی۔

بین الاقوامی توانائی ایجنسی نے منگل کو خبردار کیا تھا کہ آئل مارکیٹ زائد سپلائی کے باعث ہر طرح سے خطرے میں رہے گی۔ تیل کی عالمی قیمتوں میں اضافے سے 2022 میں امریکی خام تیل کی پیداوار میں بھی اضافہ ہوگا۔

اوپیک کے سیکرٹری جنرل محمد بارکندو نے بھی منگل کو کہا تھا کہ وہ اگلے ماہ سے آئل سپلائی میں سرپلس کے آثار دیکھ رہے ہیں اس لیے اوپیک ارکان اور اتحادیوں کو ’’انتہائی‘‘ محتاط رہنا ہوگا۔

دوسری جانب یورپ میں کووڈ 19 کے بڑھتے کیسز کے سبب کچھ حکومتوں کی جانب سے دوبارہ پابندیاں عائد کیے جانے سے بھی تیل کی قیمتوں پر اثر پڑا ہے۔