محکمہ موسمیات کا کہنا ہے کہ آج ملک کے بیشترعلاقوں میں موسم خشک اور سرد رہے گا۔

اسلام آباد میں کم سے کم درجہ حرارت 5 ڈگری سینٹی گریڈ تک رہنے کا امکان ہے جبکہ ہوا میں نمی کا تناسب 60 فیصد تک رہنے کا امکان ہے۔

محکمہ موسمیات کے مطابق بالائی خیبر پختو نخوا، کشمیر اور گلگت بلتستان کی چند مقامات پر ہلکی بارش اور پہاڑوں پر ہلکی برفباری کا امکان ہے۔

جبکہ شمال مشرقی اور جنوبی پنجاب میں بعض مقاما ت پرصبح کے اوقات میں دھند پڑھنے کا امکان ہے۔

پنجاب کا موسم

آج صوبہ پنجاب میں موسم خشک رہے گا تاہم صبح کے اوقات میں ناروال، سیالکوٹ، بہاولپوراور اس سے ملحقہ علاقوں میں ہلکی دھند چھائے رہنے کا امکان ہے۔

خیبرپختونخواہ کا موسم

محکمہ موسمیات کے مطابق آج صوبہ خیبرپختونخواہ کے بیشتر اضلاع میں موسم خشک اورسردرہے گا جبکہ بالائی علاقوں میں مطلع ابر آلود رہنے کے علاوہ چترال ، دیر ، سوات اور کوہستان میں ہلکی بارش اور پہاڑوں پر ہلکی برفباری کا امکان ہے۔

صوبہ سندھ کا موسم

صوبہ سندھ کے بیشتراضلاع میں موسم خشک رہے گا تاہم صبح کے اوقات میں سکھراور گردونواح میں ہلکی دھند چھائے رہنے کا امکان ہے۔

بلوچستان کا موسم

صوبہ بلوچستان کے بیشتر اضلاع میں موسم خشک اور سرد ر ہے گا۔

گزشتہ 24 گھنٹوں کے دوران ملک کے بیشترمیدانی علاقوں میں موسم خشک جبکہ پہا ڑی علاقوں میں سرد رہا۔

آج ر یکارڈ کیے گئے کم سے کم درجہ حرارت لہہ میں منفی08، اسکردو میں منفی07، گوپس میں منفی 03، استور میں منفی 02، کالام، قلات اور گلگت میں منفی 01 ڈگری سینٹی گریڈ ریکارڈ کیا گیا ہے۔