سی اے اے کا محفوظ شہری ہوابازی سے متعلق ایپ متعارف

عروبہ خان

19th Nov, 2021. 02:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سی اے اے کا محفوظ شہری ہوابازی سے متعلق ایپ متعارف

پاکستان سول ایو ایشن کی جانب سے محفوظ شہری ہوابازی سے متعلق اینڈرائیڈ ایپلیکیشن متعارف کرادی گئی ہے۔

سی اے اے کی جانب سے اس ایپ کو متعارف کرانے کا بنیادی مقصد ایپ کے ذریعے کوئی بھی شہری کسی بھی واقعہ، مسئلہ یا بے قاعدگی کو بلاواسطہ متعلقہ ادارے کو رپورٹ کرنا ہے۔

اس ایپ کی مدد سے کوئی بھی شہری یا مسافر کسی بھی قسم کے خطرے یا واقعے کو رپورٹ کرسکتے ہیں جو جہاز یا اس میں سوار مسافر یا ایئرپورٹس اور اس کے نظام کے لئے نقصان کا باعث بن سکتے ہوں۔

ایپ سے خطرات، چھوٹے بڑے حادثات، ٹوٹ پھوٹ، غفلت، ذمہ داری میں کوتاہی وغیرہ کے واقعات رپورٹ کئے جاسکتے ہیں جبکہ رپورٹ کرنے والا شخص فائلز، تصاویر وغیرہ کے ساتھ وضاحتی ثبوت کے طور پر اپنا بیان بھی جمع کراسکتا ہے۔

ایپ استعمال کرتے وقت رپورٹ کرنے والا شخص اپنی شناخت ظاہر کرنے کا پابند نہیں ہے

مسافر کسی بھی خطرے اور واقعے کی رضاکارانہ طور پر ان لائن اطلاع باآسانی پی سی اے اے ویب سائیٹ پر جاکر بھی دسکتےہیں۔

خیال رہے کہ پاکستان سول ایوی ایشن کی متعارف کرائی جانے والی ایپلیکیشن ’گوگل پلے اسٹور‘ پر بھی موجود ہے۔