نسل پرستی کے نئے اسکینڈل نے انگلش فٹبال ایسوسی ایشن کو ہلا کر رکھ دیا

ویب ڈیسک

21st Nov, 2021. 09:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نسل پرستی کے نئے اسکینڈل نے انگلش فٹبال ایسوسی ایشن کو ہلا کر رکھ دیا

نسل پرستی کے نئے اسکینڈل نے انگلش فٹبال ایسوسی ایشن کو ہلا کر رکھ دیا ہے۔

تفصیلات کے مطابق سیاہ فام اور ایشیائی ریفریوں کی جانب سے ریفری سسٹم کی بدسلوکی اور تعصبانہ رویوں کے انکشاف کے بعد انگلش فٹ بال میں نسل پرستی کا تازہ اسکینڈل سامنے آگیا۔

برطانوی میڈیا کی رپورٹ کے مطابق انگلش فٹبال ایسوسی ایشن کا ریفری سسٹم سیاہ فام اور ایشیائی ریفریوں کو کھیل کے اعلیٰ درجے میں پہنچنے سے روک رہا ہے۔

برطانوی اخبار کی جانب سے فٹبال ایسوسی ایشن کو جمع کرائی گئی تحقیقی رپورٹ میں معروف لیگوں میں ریفریوں کی ترقی کا جائزہ لینے والے مبصرین کی جانب سے سیاہ فام اور ایشیائی ریفریوں پر نسل پرستانہ اور تعصبانہ تبصرے شامل ہیں۔

رپورٹ کے مطابق دنیا میں سب سے زیادہ دیکھی جانے والی انگلش پریمیئر لیگ میں کوئی سیاہ فام یا ایشیائی ریفری شامل نہیں، جبکہ انگلینڈ کے 7 بڑے ڈویژنز میں نسلی اقلیتوں سے صرف 4 ریفری کام کر رہے ہیں۔

ایسوسی ایشن حکام نے مبینہ واقعات کی شفاف تحقیقات کی یقین دہانی کرائی ہے۔