' کوآپریٹیو مارکیٹ صدر کی بحالی میں پیپلز پارٹی کی جانب سے رکاوٹیں ڈالی گئیں'

‘ کوآپریٹیو مارکیٹ صدر کی بحالی میں پیپلز پارٹی کی جانب سے رکاوٹیں ڈالی گئیں’

سفیر الٰہی

22nd Nov, 2021. 11:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

‘ کوآپریٹیو مارکیٹ صدر کی بحالی میں پیپلز پارٹی کی جانب سے رکاوٹیں ڈالی گئیں’

پی ٹی آئی رکن قومی اسمبلی آفتاب صدیقی کا کہنا ہے کہ کراچی کی کوآپریٹیو مارکیٹ صدر کے بحالی کے کاموں میں پیپلز پارٹی کی جانب سے مختلف حیلے بہانوں کے ذریعے رکاوٹیں ڈالی گئیں۔

آفتاب صدیقی نے کہا کہ کام کیلئے این او سی نہیں دیا جا رہا تھا جس کی وجہ سے تاجروں اور دکانداروں کو مجبوراً احتجاج کرنے کے لئے سڑکوں پر آنا پڑا۔

پی ٹی آئی رکن قومی اسمبلی نے کہا کہ سندھ حکومت اور پیپلز پارٹی سے ایک سوال کرتے ہیں ہر بار لوگوں کو سڑکوں پر کیوں آنے پر مجبور کیا جاتا ہے؟ کیوں لوگوں کے جائز کام ہونے سے روکے جاتے ہیں؟

آفتاب صدیقی نے سوال کیا کہ ایسے کیا عوامل تھے جن کی بنا پر لوگوں کے کاموں کو روکا جا رہا تھا سندھ حکومت جواب دے۔

رہنما تحریک انصاف نے کہا کہ کراچی شہر اور سندھ پیپلز پارٹی کی زمہ داری ہیں، اس بار اتنا برا سانحہ ہوا مگر ان کے کانوں پر جوں تک نہیں رینگی۔

ان کا کہنا تھا کہ پاکستان تحریکِ اِنصاف اگر کوآپریٹیو مارکیٹ صدر کے بحالی کے کام کر رہی ہے تو پیپلز پارٹی رکاوٹیں کیوں ڈال رہی ہے؟