کوئٹہ میں طلباء تنظیموں کی جانب سے تعلیمی اداروں کا بائیکاٹ جاری ہے۔
تفصیلات کے مطابق بلوچستان یونیورسٹی کی بندش کے بعد بولان میڈیکل کالج، بیوٹمز یونیورسٹی کو مکمل بند کردیا گیا ہے۔
طلباء نے کیچی بیگ گرلز کالج، پوسٹ گریجویٹ کالج کوئٹہ اور پولی ٹیکنیک کالج کے گیٹ کو بھی تالا لگا کر بند کردیا ہے۔
اس کے علاوہ تعلیمی اداروں میں اکیڈمک اور نان اکیڈمک سرگرمیاں بھی معطل کردی گئی ہیں۔
لاپتہ طالبعلموں کی عدم بازیابی کوئٹہ میں طلباء تنظیموں کی جانب سے تعلیمی اداروں کا بائیکاٹ جاری ہے۔
Advertisement
یاد رہے کہ طلباء تنظیموں نے گزشتہ روز صوبائی دارالحکومت کے تمام تعلیمی اداروں کو بند کرنے کی کال دی تھی، جو پہلا مرحلہ تھا۔ دوسرے مرحلے میں انہوں نے پورے بلوچستان کے تعلیمی اداروں میں سرگرمیوں کے بائیکاٹ کا اعلان کیا ہے۔
واضح رہے کہ بلوچستان یونیورسٹی سے لاپتہ ہونے والے 2 طلباء کا اب تک کوئی پتا نہیں چل سکا ہے۔
مظاہرین طلباء نے مطالبہ کیا تھا کہ جامعہ سے لاپتہ کیے گئے دونوں طلباء کو منظر عام پر لایا جائے۔
طلباء کے احتجاج کے باعث جامعہ میں ہونے والے امتحانات تعطل کا شکار ہیں جبکہ تدریسی عمل بھی تاحال معطل ہے۔
اس سے پہلے بھی احتجاج پر بیٹھے طلباء سے حکومتی کمیٹی کے مذاکرات اب تک 2 بار ناکام ہوچکے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
