قرضے سے کورونا ویکسین کی خریداری کیلئے 35 ارب روپے کی منظوری

سفیر الٰہی

23rd Nov, 2021. 10:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قرضے سے کورونا ویکسین کی خریداری کیلئے 35 ارب روپے کی منظوری

وفاقی کابینہ نے ایشیائی ترقیاتی بینک سے ملنے والے قرضے کے تحت کورونا ویکسین کی خریداری کیلئے مزید 35 ارب روپے کی منظوری دیدی۔

ذرائع کے مطابق پہلے مرحلے میں ویکسین کی خریداری کیلئے قرض میں 50 ارب 10 کروڑ روپے منظور کئے گئے تھے۔ وزارت صحت اور نیشنل ڈیزاسٹر مینجمنٹ اتھارٹی (این ڈی ایم اے) ویکسین کی خریداری کررہے ہیں۔

کابینہ اجلاس میں ادائیگیوں کیلئے مزید 20 کروڑ ڈالرز کی روپیوں میں ضرورت کی تجویز دی گئی، اس سے قبل 30 کروڑ ڈالرز کی روپیوں میں منظوری دی گئی تھی۔

مذکورہ رقم تکنیکی سپلیمنٹری گرانٹ کے تحت فراہم کی جائے گی۔ فنڈز رواں مالی سال 2021-22 کیلئے مانگے گئے ہیں۔

اے ڈی بی نے پاکستان کیلئے 50 کروڑ ڈالر کا قرض منظور کیا تھا اور کورونا ویکسین کی خریداری کیلئے قرض دینے کی منظوری دی تھی ۔

پاکستان اور ایشیائی ترقیاتی بینک نے 6 اگست 2021 کو معاہدے پر دستخط کئے تھے۔