بھونیشور: آج پاکستان ٹیم جونیئر ہاکی ورلڈ کپ میں جرمنی کے خلاف اپنا پہلا میچ کھیلے گی۔
تفصیلات کے مطابق جونیئر ہاکی ورلڈ کپ کا آج سے شروع ہورہا ہے جس میں پاکستان ٹیم اپنا پہلا میچ آج جرمنی کے خلاف کھیلے گی جو پاکستانی وقت کے مطابق 11:30 بجے شروع کھیلا جائے گا۔
واضح رہے کہ جونئر ہاکی ورلڈ کپ انڈیا کے شہر بھوبنیشور میں 24 نومبر تا 5 دسمبر تک کھیلا جائے گا جبکہ ایونٹ میں پاکستان جونیئر ہاکی ٹیم سمیت 16 ٹیمیں شرکت کررہی ہیں جنہیں 4 پول میں تقسیم کیا گیا ہے۔
پاکستان جونیئر ہاکی ٹیم کو پول ڈی میں رکھا گیا ہے جس میں ارجنٹائن، مصر اور جرمنی کی ٹیمیں بھی شامل ہیں۔
پاکستان اپنا دوسرا پول میچ 27 نومبر کو مصر کے خلاف کھیلے گا جبکہ تیسرا اور آخری پول میچ 28 نومبر کو ارجنٹائن کے خلاف کھیلے گا۔
Advertisement
کپتان رانا وحید کا کہنا ہے کہ ٹیم ایونٹ میں بہترین کارکردگی کا مظاہرہ کرے گی، پریکٹس میچز میں چلی اور کینیڈا کو شکست دی جس سے کھلاڑیوں کے اعتماد میں اضافہ ہوا ہے۔
کپتان رانا وحید کا مزید کہنا تھا کہ ہمارے کھلاڑیوں کا مورال بلند ہے اور ہم جیتنے کے لئے پرعزم ہیں۔
یاد رہے کہ پاکستان جونیئرز ہاکی ٹیم نے ایونٹ کے آغاز سے قبل دو پریکٹس میچز جیتے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
