پاکستان کے خلاف پہلے ٹیسٹ سے قبل بنگلادیش کو بڑا دھچکا

محمد کاشان

24th Nov, 2021. 12:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کے خلاف پہلے ٹیسٹ سے قبل بنگلادیش کو بڑا دھچکا

چٹاگانگ: بنگلادیش کرکٹ ٹیم کے آل راونڈر شکیب الحسن فٹ نہ ہونے کے باعث پاکستان کے خلاف پہلے ٹیسٹ سے بھی باہر ہوگئے ہیں۔

بنگلادیشی میڈیا کے مطابق شکیب الحسن ہیم اسٹرنگ انجری سے چھٹکارا نہ پا سکے جس کی وجہ سے وہ پاکستان کے خلاف پہلے ٹیسٹ میچ سے باہر ہو گئے ہیں جبکہ اس سے قبل شکیب الحسن کا نام پہلے ٹیسٹ کے لئے ٹیم اسکواڈ میں شامل کیا گیا تھا اور ٹیم میں شمولیت فٹنس سے مشروط قرار دی گئی تھی۔

بنگلادیش کرکٹ ٹیم کے چیف سلیکٹر منہاج العابدین کا کہنا ہے کہ شکیب الحسن مکمل فٹ نہیں ہو سکے اور پہلا ٹیسٹ نہیں کھیلیں گے جبکہ ان کا ابھی ری ہیب جاری رہے گا۔

واضح رہے کہ پاکستان اور بنگلہ دیش کے درمیان پہلا ٹیسٹ میچ چٹاگانگ کے ظہور احمد چوہدری اسٹیڈیم میں 26 نومبر سے 30 نومبر کے درمیان کھیلا جائے گا۔

علاوہ ازیں ٹیسٹ سیریز کا دوسرا اور آخری ٹیسٹ میچ 4 دسمبر سے 8 دسمبر کے درمیان ڈھاکہ میں کھیلا جائے گا۔

اس سے قبل پاکستان اور بنگلادیش کے درمیان 3 ٹی ٹوئنٹی میچز پر مشتمل سیریز کھیلی گئی جس میں پاکستان نے شاندار کارکردگی کا مظاہرہ کرتے ہوئے بنگلادیش کو کلین سوئپ کردیا تھا۔