آئنسٹائن کے ہاتھ کی لکھی تحریر 13ملین ڈالرز میں نیلام

مہدی قاضی

24th Nov, 2021. 11:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئنسٹائن کے ہاتھ کی لکھی تحریر 13ملین ڈالرز میں نیلام

بیسویں صدی کےعظیم سائنسدان البرٹ آئنسٹائن کےہاتھ کی لکھی ہوئی ایک اہم اور انقلابی تحریر گزشتہ روز 13 ملین ڈالرزکی ریکارڈ مالیت پر نیلام ہوئی۔

54 صفحات پر مشتمل یہ دستاویز ’عمومی نظریہ اضافیت‘ (جنرل تھیوری آف ریلیٹیویٹی) کا سب سے پہلا مسودہ ہے جس میں کچھ تکنیکی غلطیاں بھی ہیں۔

اس دستاویز پر آئنسٹائن نے اپنے قریبی دوست مائیکل بیسو کے ساتھ 1913 اور 1914 میں اس وقت کام کیا تھا کہ جب وہ زیورخ، سوئٹزرلینڈ میں مقیم تھے۔

دستاویز کا زیادہ حصہ آئناسٹائن کے ہاتھ سے لکھا ہوا ہے جبکہ چند مقامات پر بیسو کی ہینڈ رائٹنگ بھی موجود ہے۔ اس دستاویز پر آئنسٹائن کے ذاتی دستخط بھی موجود ہیں جو اس کے اصل ہونے کی تصدیق کرتے ہیں۔

اگرچہ اس سے پہلے بھی آئنسٹائن کے استعمال میں رہنے والی چیزیں اور دستی تحریریں بہت مہنگے داموں نیلام ہوتی رہی ہیں لیکن اس دستاویز کی مالیت ان سب سے کہیں زیادہ رہی ہے۔

یہی نہیں، بلکہ یہ اب تک سب سے مہنگے داموں فروخت ہونے والی سائنسی دستاویز بھی ہے۔