محکمہ داخلہ سندھ نے کورونا ایس او پیز کے حوالے سے نیا حکم نامہ جاری کردیا ہے۔
صوبائی محکمہ داخلہ کی جانب سے جاری احکامات میں سی کیٹگری میں شامل اضلاع کے ہوٹلز کو پچاس فیصد نشستیں خالی رکھنے پر پابند کیا گیا ہے۔
کراچی ڈویژن میں اِن ڈور ڈائننگ کے لئے ستر فیصد نشستوں کی اجازت دی گئی ہے۔
محکمہ داخلہ کے مطابق سندھ بھر میں سنیما ہالز میں ویکسینیٹڈ افراد کو داخلے کی اجازت ہوگی، جبکہ کاروباری مراکز صرف رات دس بجے تک کھلے رہیں گے۔
محکمہ داخلہ نے لاڑکانہ، میرپور خاص، حیدرآباد ڈویژن ، خیرپور اور گھوٹکی میں 300 افراد سے زائد کے شادی بیاہ کےاجتماعات پر پابندی عائد کردی ہے۔
Advertisement
نوٹیفیکیشن کے مطابق تمام تعلیمی ادارے بدستور کھلے رہیں گے۔ سیاحت، تفریح پارکس، سوئمنگ پولز اور فلائٹ میں سفر کورونا ویکسین سےمشروط ہوگا۔
سانگھڑ، سکھر اضلاع اور کراچی ڈویژن میں 500 افراد کے ان ڈور اجتماعات کی اجازت ہوگی۔
سی کیٹگری میں شامل اضلاع میں 300 افراد سے زائد کے ان ڈور اجتماع پر پابندی عائد کی گئی ہے۔
سندھ میں وبائی امراض ایکٹ کے تحت نئی پابندیاں 15 دسمبر تک نافذالعمل ہونگی۔
کراچی ڈویژن، سانگھڑ اور سکھر اضلاع کو ویکسینیشن مہم بہتر ہونے کی وجہ سے بی کیٹگری میں شامل کردیا گیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
