ہائیکورٹ بار جرنلسٹس ایسوسی ایشن کےعہدیداران کی وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان سے ملاقات ہوئی۔

ملاقات میں وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا کہ چیف جسٹس اسلام آباد ہائی کورٹ کے حکم پر ڈسٹرکٹ کورٹس کا دورہ کیا لیکن انفراسٹرکچر کی حالت زار دیکھ کر افسوس ہوا۔

ڈاکٹر فردوس عاشق اعوان کا کہنا تھا کہ صحافی خبر کو عام عوام تک پہنچانے کا اہم ذریعہ ہیں، ہمارے ججز،عملہ اور وکلاء مشکل حالات میں اپنی ذمہ داریاں سر انجام دے رہے ہیں

فردوس عاشق اعوان ان کا یہ بھی کہنا تھا کہ تمام کٹھن حالات کے باوجود عدالتیں اپنا کام تندہی سے انجام دے رہی ہیں اور عام لوگوں کو انصاف فراہم کر رہی ہیں اور اس ضمن میں مسائل کے حل کیلئے کمیٹی قائم کر دی گئی ہے

 وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان کا مزید کہنا تھا کہ سٹیزن پورٹل کا تجربہ کامیابی سے جاری ہیں کیونکہ پسے ہوئے طبقات کو طاقتور بنانا وزیراعظم عمران خان کا نصب العین ہے

اس موقع پر صدر جرنسلٹ ہائی کورٹ بار ایسوسی ایشن نے کہا کہ ہم حکومت کی جانب سے پسے ہوئے محروم طبقات کیلئے کیے جانے والے اقدامات کو سراہتے ہیں۔

جنرل سیکرٹری جرنسلٹ ہائی کورٹ بار ایسوسی ایشن کا کہنا تھا کہ فیملی کورٹس کیلئے بہتر اقدامات کا ہونا بہت ضروری ہے، فیملی کورٹس میں آنے والے بچوں پر کوئی اچھا اثر نہیں پڑتا۔