شیخ رشید نے کہا ہے کہ لال حویلی کے دروازے مسیحی برادری کے لیے ہمیشہ کھلے ہیں۔

 وزیر داخلہ شیخ رشید نے جناح کنونشن سینٹر میں منعقدہ تقریب سے کرتے ہوئے کہا ہے کہ مسیحی برادری میرے دل کے قریب ہے ، یسوع مسیح کے پیغام میں انسانیت سے بھلائی ہے۔

انہوں نے کہا کہ اوورسیز پاکستانیوں کو ووٹ کا حق ملنے سے پاکستان کے 80 حلقوں کے فیصلے پر اثرانداز ہوگا ، پاکستان میں کوئی مسیح دہشتگرد نہیں ہے ، کسی مسیح کا نام تک دہشتگردی میں نہیں ملے گا۔

اس سے قبل وفاقی وزیر داخلہ شیخ رشید احمد نے راولپنڈی میں تقریب سے خطاب کرتےہوئے کہا تھا کہ اوورسیز پاکستانیوں کو ووٹنگ کا حق مل رہا ہے، کئی حلقوں میں 40 سے 50 ہزار ووٹ اوورسیز کے ہیں۔

انہوں نے کہا تھا کہ ملک میں مہنگائی ہے،ہمیں اس کا حل تلاش کرنا ہے،ریاست مدینہ میں دین کی خدمت کا کردارعمران خان کوجاتا ہے۔

وزیرداخلہ نے کہا تھا کہ ووٹ اب الیکٹرانک مشین پر ہونگے،اپوزیشن نے فیصلہ کرنا ہے کہ وہ عدا لت جاتی ہےیانہیں، ہرالیکشن کے بعد دھاندلی کا نیا پنڈورا باکس کھل جاتا ہے۔

شیخ رشید نے کہا تھا کہ راولپنڈی کے ہرعلاقےمیں کالج اوریونیورسٹیاں ہیں، جہاں کی بیٹی پڑھی لکھی ہو اس کو کوئی طاقت شکست نہیں دے سکتی ، اپنے علاقے میں کسی بدمعاش کو سر اٹھانے نہیں دیا ، تعلیم گھر میں آجائے تو وہ سمجھتا ہے ذمےداریاں کیا ہیں۔

وزیرداخلہ نے کہا تھا کہ لڑکوں سےزیادہ لڑکیاں تعلیم کے میدان میں آگے ہیں، نئے سال کے آغاز پر کچھ کالجزمیں شفٹ کا نظام لایاجائے گا، راولپنڈی کا کوئی علاقہ ایسا نہیں جہاں بچیوں کیلئے کالج نہ ہو، جو یونیورسٹی کے مخالف تھےان کی بیٹیاں اب اس میں پڑھ رہی ہیں۔