رضا باقر نے کہا ہے کہ سائبر سیکیورٹی اب اربوں ڈالر کی انڈسٹری بن گئی ہے۔

گورنر اسٹیٹ بینک آف پاکستان (ایس بی پی) رضا باقر نے پاکستان فن ٹیک سمٹ 2021ء سے خطاب کرتے ہوئے کہا کہ سائبر سیکیورٹی کے اسٹیٹ اور نان اسٹیٹ ایڈوانس پلیئرز سرگرم ہے۔

رضا باقر  نے کہا کہ سائبر سیکیورٹی اب اربوں ڈالر کی انڈسٹری بن گئی ہے، ایڈاونس پلیئرز کسی بھی ادارے کو بند کرانے کی صلاحیت رکھتے ہیں۔

گورنر ایس بی پی کا کہنا تھا کہ پاکستانی معیشت کو محدود ڈاکیومنٹیشن اور مالیاتی رسائی کے مسائل درپیش ہیں۔

اُن کا کہنا تھا کہ پاکستان میں ڈیجیٹل فنانشل خدمات نئے بزنس ماڈل کے ساتھ پیشرفت کررہی ہے، پاکستان میں مالیاتی رسائی بڑھانے کے ڈیجیٹل آئیڈیا کے لئے ہم سے رابطہ کریں۔

گورنر اسٹیٹ بینک آف پاکستان نے کہا کہ ڈیجیٹلائزیشن محدود ڈاکیومنٹیشن اور مالی رسائی کے دو اہم مسائل کا حل ہے، 5 جی ٹیکنالوجی، پلیٹ فارم اکانومی اور اوپن فنانس ڈیجیٹلائزیشن کو تیز کرے گا۔ ڈیجیٹل بینکنگ لائسنسنگ کا فریم ورک جلد مہیا کردیں گے۔

رضا باقر کا کہنا تھا کہ رئیل ٹائم ادائیگیوں کےبعد فون کے ذریعےشخص سے شخص کوادائیگی کا نظام لارہے ہیں، اسٹینڈرڈ کیو آر کوڈ پیمنٹ جلد متعارف کرارہے ہیں۔

گورنر اسٹیٹ بینک آف پاکستان (ایس بی پی) رضا باقر  کا مزید کہنا تھا کہ ملکی اور بین الاقوامی اسٹیک ہولڈرز سے اوپن فنانس کو فروغ دینے پر بات کررہے ہیں، ڈیجیٹل بینکنگ کے بڑے پلیئرز پاکستان میں آکر کام کریں۔