این اے 133 ضمنی انتخاب: ڈسٹرکٹ ریٹرننگ آفیسر کی انتخابی امیدواران سے اہم ملاقات

جنید احمد

01st Dec, 2021. 08:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

این اے 133 ضمنی انتخاب: ڈسٹرکٹ ریٹرننگ آفیسر کی انتخابی امیدواران سے اہم ملاقات

لاہور کے حلقہ این اے 133 ضمنی انتخاب کے حوالے سے ڈسٹرکٹ ریٹرننگ آفیسر نے انتخابی امیدواران کے ساتھ اہم ملاقات کی ہے۔

ڈسٹرکٹ مانیٹرنگ آفیسر کی انتخابی امیدواران سے ضابطہ اخلاق کے حوالے سے ملاقات میں سیکیورٹی حکام نے بھی شرکت کی۔

ڈسٹرکٹ ریٹرننگ آفیسر نے امیدواران کو ہدایت کی کہ وہ انتخابات سے پہلے اور پولنگ کے روز مکمل طور پر ضابطہ اخلاق پر عملدرآمد کریں۔

دسٹرکٹ ریٹرننگ آفیسر نے تنبیہہ کی کہ ضابطہ اخلاق کی خلاف ورزی کسی صورت برداشت نہیں کی جائے گی۔ ڈی آر او نے سیکیورٹی حکام کو ہدایت کی کہ وہ ضابطہ اخلاق پر عملدرآمد کو ہر صورت یقینی بنائیں۔

اجلاس میں بتایا گیا کہ ریٹرننگ آفیسر اور ڈسٹرکٹ مانیٹرنگ آفیسر نے ضابطہ اخلاق کی خلاف ورزی پر فوری کارروائی کرتے ہوئے اسلم گڑھا اور میاں طارق نامی دو افراد کو ووٹ خریداری کے الزام پر سمن جاری کر دئیے۔

ڈسٹرکٹ مانیٹرنگ آفیسر نے پیپلز پارٹی امیدوار اسلم گل کو بیس ہزار جرمانہ ادا کرنے کے احکامات جاری کئے۔ چوہدری اسلم گل کو ضابطہ اخلاق کی خلاف ورزی پر نوٹس جاری کیا گیا تھا۔

چوہدری اسلم گل کو تحریری وضاحت موصول ہونے پر تنبیہ کی گئی ہے اور جرمانہ ادا کرنے کے احکامات جاری کئے گئے۔