راولپنڈی میں ڈکیتی کی وارداتوں کا سلسلہ تھم نہ سکا

ویب ڈیسک

02nd Dec, 2021. 07:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

راولپنڈی میں ڈکیتی کی وارداتوں کا سلسلہ تھم نہ سکا

راولپنڈی میں ڈکیتی کی وارداتوں کی وجہ سے شہری عدم تحفظ کا شکار ہیں۔

تفصیلات کے مطابق فاروق اعظم روڈ پر ڈکیتی کی واردات ہوئی جس میں موٹر سائیکل سوار مسلح ملزمان شہری سے 20 لاکھ روپے لوٹ کر فرار ہوگئے۔

پولیس حکام کا کہنا ہے کہ واقعے کی سی سی ٹی وی فوٹیج سامنے آگئی ہے، متاثرہ شہری صدر میں منی ایکسچینج سے رقم لے کر موٹرسائیکل پر ڈھوک کالا خان آرہا تھا۔

پولیس حکام نے بتایا کہ شمس آباد کے قریب موٹرسائیکل سوار کو مسلح ملزمان نے روکنے کی کوشش کی تو شہری نے گھر کے قریب ملزمان کو دیکھ کر بیگ قریبی گھر میں پھینک دیا جس پر ڈاکوؤں نے شہری پر شدید تشدد کیا اور گھر کا دروازہ کھٹکھٹا کر رقم لے گئے۔

پولیس حکام کا کہنا ہے کہ تھانہ صادق آباد پولیس نے واقعے کا مقدمہ درج کر کے تحقیقات شروع کردیں ہیں، ملزمان کو جلد گرفتار کرلیا جائے گا۔