خرم شیرزمان نے کہا ہے کہ انسان کی زندگی کی یہاں کوئی وقعت نہیں رہی۔
صدر پی ٹی آئی کراچی خرم شیرزمان نے کراچی شہر میں بدامنی کی صورتحال پر بیان دیتے ہوئے کہا کہ جس کی لاٹھی اس کی بھینس کی طرز پہ کراچی شہر کو چلایا جا رہا ہے۔
انہوں نے کہا کہ دن دہاڑے ٹارگٹ کلرز وکیل کو آرام سے گولیاں داغتے رہے، قانون کی حکمرانی ہو تو شرپسند عناصر جرم سے پہلے ہزار بار سوچیں گے۔
خرم شیرزمان کا کہنا تھا کہ انسان کی زندگی کی یہاں کوئی وقعت نہیں رہی، بس بندوق پکڑی موٹر سائیکل پہ سوار ہوئے اور جو مرضی کر لیتے ہیں ۔ اگر پولیس اتنی ہی کمزور ہے تو رینجرز کو مکمل اختیارات ملنے چاہیے۔
صدر پی ٹی آئی کراچی خرم شیرزمان کا مزید کہناتھا کہ اب پانی سر سے اونچا ہو چکا ہے، برداشت اور صبر کی حد پار ہوچکی، قاتلوں، اغوا کاروں، بھتہ خوروں اور دیگر جرائم پیشہ عناصر کی سرپرستی کی جاتی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
