بلدیاتی ملازمین کی ہڑتال ،شہر قائد میں کچرے کے ڈھیر

ویب ڈیسک

04th Dec, 2021. 03:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلدیاتی ملازمین کی ہڑتال ،شہر قائد میں کچرے کے ڈھیر

بلدیاتی ملازمین ہڑتال کے باعث شہر قائد کچرے کا ڈھیر میں بدلنے لگا۔
اطلاعات کے مطابق ضلعی میونسپل کارپوریشنز اور ضلع کونسل کراچی میں بھی تالے لگے ہوئے ہیں کے ایم سی اور ڈی ایم سیز میں ملازمین نے ہفتہ بھر سے کام بند کررکھا ہے۔ کراچی ، حیدرآباد، سکھر، لاڑکانہ سمیت سندھ بھر بلدیاتی نظام معطل ہے جب کہ تمام چھوٹے بڑے شہروں میں صفائی ستھرائی کا کام ٹھپ ہوکر رہ گیا ہے۔

سندھ بھر میں سیوریج کے مسائل بھی سر اٹھانے لگے ہیں فائر بریگیڈ ملازمین اور طبی سہولیات دینے والے ملازمین ہڑتال سے مستثنی تو ہیں مگر ہڑتال کے باعث گذشتہ کئی روز سے کراچی میں کچرا جزوی طور پر اٹھایا جارہا ہے۔

سندھ سالڈ ویسٹ مینجمنٹ بورڈ کے ٹھیکیدار جزوی طور پر کچرہ اٹھا رہے ہیں۔ اکثر ملازمین بدستور ہڑتال پر ہیں شہر میں کچرے کا بیک لاگ بڑھنے لگا ہے جس کی وجہ سے فضائی آلودگی کے سوا شہر کے مختلف علاقوں میں سیوریج نظام بھی متاثر ہورہا ہے۔
شہریوں کا کہنا ہے کراچی میں بلدیاتی افسران اور ملازمین گھر بیٹھ گئے ہیں جس سے عوام کو روز مرہ آمد و رفت میں مشکلات کا سامنا کرنا پڑ رہا ہے ۔

سندھ حکومت کے ترجمان نے کہا کہ ہڑتال ختم کرانے کے لئے اعلی حکام کی کوشش جاری ہیں ملازمین کے نمائندہ وفد کی سیکرٹری بلدیات اور دیگر حکام سے ملاقاتیں ہوئی ہیں۔
آل پاکستان لوکل گورنمنٹ ورکرز فیڈریشن کی کال پر سندھ بھر میں ملازمین بدستور کام چھوڑ ہڑتال پر ہیں آن لائن ٹریژری سے ملازمین کی تنخواہوں کی ادائیگی تک ہڑتال جاری رہے گی۔ ملازمین واضح رہے کہ وزیر اعلی سندھ آن لائن ٹریژری سے بلدیاتی ملازمین کو رقوم کی منتقلی کی منظوری پہلے ہی دے چکے ہیں۔