سُنّی تحریک کا بلدیاتی انتخابات میں حصہ لینے کا فیصلہ

ویب ڈیسک

05th Dec, 2021. 06:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سُنّی تحریک کا بلدیاتی انتخابات میں حصہ لینے کا فیصلہ

مرکز اہلسنت کراچی پر سربراہ پاکستان سنّی تحریک محمد ثروت اعجاز قادری کی صدارت میں مرکزی سیاسی کمیٹی کا اجلاس ہوا، جس میں عوامی مسائل پر آواز اُٹھانے اور ملک بھر میں بلدیاتی انتخابات میں حصہ لینے کا فیصلہ کیا گیا۔

سنّی تحریک کی جانب سے جاری اعلامیے میں بتایا گیا کہ اجلاس میں صوبوں میں ہم خیال سیاسی جماعتوں سے اتحاد یا سیٹ ایڈجسٹمنٹ کیلئے بھی غور کیا گیا۔

اعلامیے کے مطابق سربراہ پاکستان سنی تحریک محمد ثروت اعجاز قادری نے کہا کہ مہنگائی، بے روزگاری، کرپشن اور انتہا پسندی کے خلاف ملک گیر احتجاجی جلسوں کا اعلان کرتے ہیں۔

ثروت اعجاز قادری نے کہا کہ ملک بھر کے ہر ڈویژن میں جلسہ منعقد کیا جائیگا جس میں عوامی مسائل پر آواز بلند کی جائے گی۔

ان کا مزید کہنا تھا کہ ملک بھر میں خودکشیوں میں اضافہ خود حکومت کی کارکردگی پر بڑا سوالیہ نشان ہے، پاکستان کی معاشی ترقی کیلئے حکومت کے پاس فارمولا نہیں ہے تو ہم انہیں معاشی ترقی کا فارمولا دینے کو تیار ہیں۔

سربراہ سنّی تحریک نے اس موقع پر کہا کہ ملک بھر میں رکنیت سازی مہم جلانے کا فیصلہ کرلیا ہے، رکنیت سازی مہم کی تاریخ کا اعلان جلد کردیا جائیگا۔