ایف آئی اے نے انسانی اسمگلنگ میں ملوث سرکاری ملازمین کو گرفتار کرلیا

ویب ڈیسک

06th Dec, 2021. 11:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایف آئی اے نے انسانی اسمگلنگ میں ملوث سرکاری ملازمین کو گرفتار کرلیا

ایف آئی اے انسداد انسانی اسمگلنگ سیل نے اسلام آباد میں کارروائی کرتے ہوئے نادرا اور پاسپورٹ آفس کے افسران سمیت 4 غیر ملکی باشندوں کو گرفتار کرلیا ہے۔

ذرائع کے مطابق انسانی اسمگلنگ میں ملوث اس گروہ میں شامل افغان باشندوں کو ایئر پورٹ جب کہ سرکاری افسران کو راولپنڈی سے حراست میں لیا گیا ہے۔

گرفتار افراد میں سے 4 ملزمان کرزئی، شاہ زیب، جاوید گل اور عاطف کا تعلق افغانستان اور 4 کا تعلق پاکستان سے ہے، جن کے نام پرویز،عمیر محمود، یوسف خان اور تنویر الطاف ہیں، جن میں سے دو افراد پاسپورٹ آفس جب کہ دو نادرا کے ملازم بتائے جا رہے ہیں۔

ذرائع کا کہنا ہے کہ ملزمان جعل سازی سے پہلے شناختی کارڈ پھر اس شناختی کارڈ کی بنیاد پر جعلی پاسپورٹ بناتے تھے۔

مذکورہ ملزمان کی گرفتاری کے بعد ڈائریکٹر جنرل ایف آئی اے نے تفتیش کا دائر کار وسیع کرنے کا حکم دے دیا جس کے بعد گروہ کے دیگر ارکان کی گرفتاری کے لیے ایف آئی اے کی خصوصی ٹیمیں تشکیل دے دی گئی ہیں۔

ذرائع کا کہنا ہے کہ ڈی جی ایف آئی کی ہدایت پر حکام نے پیسے لے کر غیر ملکیوں کو اپنی فیملی ٹری میں شامل کرنے والوں کے گرد گھیرا تنگ کردیا گیا ہے۔

Catch all the Business News, Breaking News Event and Latest News Updates on The BOL News

Download The BOL News App to get the Daily News Update & Live News