بھارتی ریا ست تامل ناڈومیں فوجی ہیلی کاپٹر گر کر تباہ ہوگیا ہے جس میں بھارتی چیف آف ڈیفنس اسٹاف جنرل بپن راوت کی ہلاکت کی تصدیق ہوگئی۔ 

 بھارتی میڈیا رپورٹس کے مطابق ریاست تمل ناڈو کے علاقے کنور میں فوجی ہپلی کاپٹر گر کر تباہ ہوگیا ہے اور اس کے نتیجے میں ہیلی کاپٹر میں سوار 13 افراد ہلاک ہوگئے ہیں جس میں بھارتی چیف آف ڈیفنس اسٹاف جنرل بپن راوت اور ان کی اہلیہ بھی شامل ہیں۔

#WATCH | Latest visuals from the spot (between Coimbatore and Sulur) where a military chopper crashed in Tamil Nadu. CDS Bipin Rawat, his staff and some family members were in the chopper. pic.twitter.com/6oxG7xD8iW

— ANI (@ANI) December 8, 2021

تباہ ہونے والے ہیلی کاپٹر میں بھارتی چیف آف ڈیفنس اسٹاف جنرل بپن راوت، ان کی اہلیہ، دفاعی معاون، سیکورٹی کمانڈوز اور فضائیہ کے پائلٹ سمیت کل 14 افراد سوار تھے۔

ابتدائی طور پر بھارتی حکام نے کہا تھا کہ ہیلی کاپٹر کے ملبے سے 11 افراد کی لاشیں نکال لی گئی ہیں اور 3 زخمیوں کو اسپتال میں طبی امداد دی جارہی ہے تاہم ان میں جنرل بپن راوت اور ان کی اہلیہ زخموں کی تاب نہ لاتے ہوئے ہلاک ہوگئے۔

With deep regret, it has now been ascertained that Gen Bipin Rawat, Mrs Madhulika Rawat and 11 other persons on board have died in the unfortunate accident.

— Indian Air Force (@IAF_MCC) December 8, 2021

بھارتی فضائیہ کے مطابق ہیلی کاپٹر حادثے میں زندہ بچ جانے والے خوش نصیب شخص کی شناخت بھارتی فضائیہ کے گروپ کیپٹن ورون سنگھ کے نام سے ہوئی جو ڈیفنس سروسز اسٹاف کالج  کے ڈائریکٹنگ اسٹاف تھے اور اس وقت انہیں اسپتال میں طبی امداد دی جارہی ہے۔

Latest visuals from the spot (between Coimbatore and Sulur) where a military chopper crashed in Tamil Nadu. CDS Bipin Rawat, his staff and some family members were in the chopper.

(Pics Source: Locals involved in search and rescue operation) pic.twitter.com/miALr88sm1

— ANI (@ANI) December 8, 2021

دوسری جانب بھارتی فضائیہ کی جانب سے بھی ہیلی کاپٹر حادثے کی تصدیق کی گئی ہے۔ بھارتی فضایہ کی جانب سے ٹوئٹر پر جاری بیان میں کہا گیا کہ چیف آف ڈیفنس اسٹاف جنرل بپن راوت کا ایم آئی 17وی فائیو ہیلی کاپٹر گر کر تباہ ہو گیا ہے۔  ہیلی کاپٹر حادثے کی وجوہات جاننے کے لیے انکوائری کا آغاز کر دیا گیا ہے۔

An IAF Mi-17V5 helicopter, with CDS Gen Bipin Rawat on board, met with an accident today near Coonoor, Tamil Nadu.
An Inquiry has been ordered to ascertain the cause of the accident.

— Indian Air Force (@IAF_MCC) December 8, 2021

جنرل بپن راوت کون ہیں؟

جنرل بپن راوت بھارت کے پہلے چیف آف ڈیفنس اسٹاف ہیں، کہا جاتا ہے کہ یہ عہدہ جنرل بپن راوت کے لئے خاص طور پر تخلیق کیا گیا، 31 دسمبر 2019 کو بحیثیت سربراہ بھارتی فوج ان کی ریٹائرمنٹ سے صرف ایک روز قبل انہیں چیف آف ڈیفنس اسٹاف مقرر کیا گیا۔

جنرل بپن راوت کو ذہنی طور پر بھارتی ہندو انتہا پسند جماعتوں کے قریب ترین سمجھا جاتا ہے، ماضی میں وہ اپنے عہدے کے برخلاف شہریت قانون کے خلاف احتجاج کی قیادت کرنے والوں پر تنقید کرچکے ہیں۔

اس کے علاوہ جنرل بپن راوت ہی کے دور میں مقبوضہ کشمیر میں بھارتی فوج کے ظلم کی نئی داستانیں رقم ہوئیں۔ بھارتی آئین میں مقبوضہ وادی کی خصوصی حیثیت سے متعلق قانون کو ختم کئے جانے کے بعد وہاں تحریک کو دبانے کی حکمت عملی بھی بپت راوت ہی کی تھی۔