بھارت میں مودی کے برسر اقتدار آنے کے بعد سے مذہبی اقلیتوں پر بڑھتے ہوئے تشدد کا سامنا ہے جس پر رپورٹ سامنے آگئی ہے۔

کشمیر میڈیا سروس کی رپورٹ کے مطابق مودی حکومت انتہا پسند ہندو تنظیم آر ایس ایس کے ہندوتوا نظریے کو بدستور نافذ کررہی ہے جبکہ مودی حکومت میں بھارت میں اقلیتوں کے خلاف نفرت انگیز جرائم میں خطرناک حد تک اضافہ ہوا ہے۔

رپورٹ میں کہا گیا ہے کہ نفرت انگیزی کی تازہ ترین مثال ریاست مدھیہ پردیش میں ہندو انتہا پسندوں کی جانب سے کرسچن اسکول پر حملہ ہے۔

رپورٹ کے مطابق ہندو انتہا پسندوں نے کرسچن اسکول پر دھوا بول دیا جس میں بمشکل طلبا جان بچانے میں کامیاب ہوئے جبکہ رواں سال عیسائیوں کے خلاف حملوں کی تعداد 300 سے زائد ہوگئی ہے۔

رپورٹ میں کہا گیا ہے کہ مودی کے دور حکومت میں پالیسیوں کو ہندوتوا نظریے کے مطابق تشکیل دیا جارہا ہے اور بی جے پی بھارت کو اقلیتوں سے خالی کرانے کے مشن پر گامزن ہے۔

رپورٹ کے مطابق نریندری مودی کا خواب بھارت کو ایک ہندو ملک میں تبدیل کرنا ہے جبکہ آر ایس ایس کی حمایت یافتہ حکومت مذہبی اقلیتوں کو ہراساں کرنے کے لیے دہشت گردی کو پالیسی کے طور پر استعمال کررہی ہے۔

رپورٹ میں مزید کہا گیا ہے کہ بھارت میں اقلیتیں مسلسل خوف و دہشت والی شندگی گزار رہی ہیں جبکہ اس نظریے کی وجہ سے جنوبی ایشیا میں امن و استحکام کو سنگین خطرات لاحق ہیں، عالمی برادری نوٹس لے۔