ڈھاکہ: پاکستان اور بنگلادیش کے ٹیسٹ میچ کے دوران عابد علی بلی کو کھانا کھلانے ڈریسنگ روم سے باہر آگئے۔

پاکستان اور بنگلادیش کے درمیان ڈھاکہ کے شیر بنگلا کرکٹ اسٹیڈیم میں دوسرا ٹیسٹ میچ جاری ہے جس دوران کھانے کا وفقہ ہوا تو تمام کھلاڑی ڈریسنگ روم کی طرف جانے لگے تب ہی عابد علی ڈریسنگ روم سے باہر آئے بلی کو کھانا کھلانے لگے۔

عابد علی کی بلی کو کھانا کھلانے کی ویڈیو پی سی بی نے سماجی رابطے کی مائیکرو بلاگنگ ویب سائٹ ٹوئٹر پر شیئر کی ہے جو چند منٹوں میں ہی وائرل ہوگئی اور صارفین کی جانب سے عابد علی کے اس اقدام کو خوب سراہا گیا۔

It is not only the players who are taking lunch #BANvPAK pic.twitter.com/wZ0k3ErPZW

Advertisement

— Pakistan Cricket (@TheRealPCB) December 8, 2021

ویڈیو شیئر ہونے کے چند منٹوں ہی ڈھیروں لائکس اور ری ٹوئٹ ملنے گئے جبکہ اس ویڈیو میں دیکھا جاسکتا ہے کہ عابد علی جب بلی کو کھانے کے لیے چاول ڈالتے ہیں تو وہ مزے لے لے کر کھاتی ہے۔

واضح رہے کہ عابد علی نے چٹاگانگ ٹیسٹ میں بہترین بیٹنگ کا مظاہرہ کیا تھا جس پر انہیں مین آف دی میچ بھی قرار دیا گیا تھا جبکہ عابد علی نے میچ کی پہلی اننگ میں 113 رنز اور دوسری اننگ میں 91 رنز اسکور کیے تھے۔

دوسری جانب عابد علی کو پہلے ٹیسٹ میچ کی کارکردگی کی بنیاد پر آئی سی سی نے مینز پلیئر آف دی منتھ کی کیٹیگری میں نامزد کیا ہے۔