ڈاکٹر معید یوسف نے کہا ہے کہ پاکستان امریکا کیساتھ تعلقات کا حامی ہے۔

وزیراعظم عمران خان کے مشیر قومی سلامتی ڈاکٹر معید یوسف نے بی بی سی ہارڈ ٹاک کو انٹرویو دیتے ہوئے کہا ہے کہ چین سے دیرینہ  اسٹرٹیجک تعلقات ہیں،اور ہمیشہ رہیں گے۔

انہوں نے کہا کہ امریکی انتظامیہ پاکستان کیساتھ رابطے میں ہے ، کشمیر کےلوگ ہمارے لوگ ہیں ، پاکستان ہمیشہ کہتا رہا افغانستان کا کوئی فوجی حل نہیں ، پاکستان افغانستان سے متعلق پھر خبردار کررہا ہے ، کہ اگر مغرب نے افغانستان کے حوالے سے اپنا رویہ نہ بدلا تو وہ ایک اور تباہی کی طرف جا رہا ہے۔

معید یوسف نے کہا ہے کہ افغانستان کو بدترین انسانی بحران کا سامنا ہے جہاں 22.8 ملین افراد کو خوراک کی شدید قلت کا سامنا ہے ، پیسہ ہے لیکن افغانستان میں بینکنگ چینلز کو چلنے نہیں دیا جا رہا ، پاکستان امریکا کے ساتھ اچھے تعلقات کا حامی ہے ، امریکی انتظامیہ پاکستان کے ساتھ رابطےمیں ہے۔

 وزیراعظم عمران خان کے مشیر قومی سلامتی ڈاکٹر معید یوسف نے کہا ہے کہ پاکستان امریکا کے ساتھ وسیع البنیاد تعلقات چاہتا ہے ، پاکستان نے جیو اسٹریٹجک سے جیو اکنامکس کی طرف مثالی تبدیلی کی ہے ، پاکستان کی اکنامک بیسز  پوری دنیا کے لیے کھلی ہیں ، کشمیر میں بھارتی مظالم کو اجاگر کرنا پاکستان کا حق ہے کیونکہ کشمیر کے لوگ ہمارے لوگ ہیں۔

انہوں نے کہا کہ پاکستان اور چین کے دیرینہ اسٹریٹجک تعلقات ہیں اور ہمیشہ رہیں گے ، سی پیک پاکستانی معیشت کے لیے انتہائی اہم منصوبہ ہے اور ہم اسے ہر صورت مکمل کریں گے۔