بنگلہ دیش کے خلاف دو ٹیسٹ میچوں کی سیریز میں پاکستان نے وائٹ واش کر کے تاریخی کارنامہ انجام دیا۔

بارش سے متاثر ڈھاکہ ٹیسٹ میں پاکستان نے بنگال ٹائیگرز کو ایک اننگ اور 8 رنز سے شکست دے سیریزمیں کلین سوئپ کیا۔

اس سیریز میں کامیابی کے ساتھ ساتھ پاکستان کرکٹ ٹیم نے ٹیسٹ کرکٹ کی تاریخ میں نئی تاریخ بھی رقم کی اور ٹیسٹ میچ کے دوران پانچویں روز 13 وکٹیں لینے والی دنیا کی واحد ٹیم بن گئی۔

میچ کے بعد انٹرنیشنل کرکٹ کونسل (آئی سی سی) نے ٹیسٹ چیمپئن شپ کے پوائنٹس ٹیبل کی تازہ ترین صورتحال جاری کی۔ جس کے مطابق سری لنکا نے 2021 سے 2023 کے شیڈولڈ ٹیسٹ میچز میں سے دو میچز کھیلے اور دونوں میں کامیابی حاصل کی، سری لنکا کی ٹیم 100 فیصد جیت کے مارجن کے ساتھ پہلی پوزیشن پر ہے،

جبکہ پاکستان نے اسی شیڈولڈ ٹیسٹ میچز میں سے 4 میچزمیں سے 3 میں کامیابی اور ایک میں ناکامی کا سامنا کرنا پڑا لہٰذا وہ 75  فیصد جیت کے مارجن کے ساتھ دوسرے نمبر پر ہے۔

پاکستان نے بنگلہ دیش کے خلاف دو ٹیسٹ میچز کی سیریز میں کلین سوئپ کے بعد ٹیسٹ رینکنگ میں بھارت کو ایک نمبر پیچھے دھکیل دیا ہے ، بھارت نے اب تک 6 میچز کھیلے ہیں ، 3 میں کامیابی ، ایک میں شکست اور 2 میچز ڈرا ہوئے ہیں ، آئی سی سی ٹیسٹ رینکنگ پوائنٹس ٹیبل پر بھارت 58.33 فیصد کامیابی کے مارجن کے ساتھ تیسرے نمبر پر پہنچ گیا ہے۔