برطانوی سائکلسٹ کے گھر میں ڈکیتی، قیمتی گھڑیاں چوری ہوگئی

ویب ڈیسک

09th Dec, 2021. 11:10 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانوی سائکلسٹ کے گھر میں ڈکیتی، قیمتی گھڑیاں چوری ہوگئی

برطانوی سائکلسٹ مارک کیونڈش کے گھر میں ڈکیتی کی واردات ہوئی ہے جس میں ان کی 2 قیمتیں گھڑیاں اور بریف کیس چوری ہوگیا ہے۔

برطانیہ کے معروف سائکلسٹ مارک کیونڈش نے سماجی رابطے کی مائیکرو بلاگنگ ویب سائٹ ٹوئٹر پر ٹوئٹ کرتے ہوئے بتایا کہ ان کے گھر ڈکیتی کی واردات ہوئی ہے جس میں ان کی 2 قیمتیں گھڑیاں اور ایک بریف کیس چوری ہوا ہے۔

pic.twitter.com/t3TLwp92TN
— Mark Cavendish (@MarkCavendish) December 8, 2021

مارک کیونڈش کا کہنا تھا کہ 27 نومبر کی رات 4 افراد ان کے گھر میں داخل ہوئے اور چاقو کی نوک پر ان کے اہلخانہ کو ہراساں کیا اور تشدد کا بھی نشانہ بنایا جس کی وجہ سے ان کے اہلخانہ شدید خوفزدہ ہیں۔

یہ بھی پڑھیں: مارک کیونڈش نے ٹور ڈی فرانس کا چھٹا مرحلہ بھی جیت لیا

غیر ملکی خبر رساں ادارے کے مطابق پولیس نے اس کیس میں تفتیش شروع کردی ہے تاہم اب تک کوئی گرفتاری عمل میں نہیں آئی ہے۔

واضح رہے کہ مارک کیونڈش ان دںوں سائکلنگ کے دوران زخمی ہونے کی وجہ سے بستر پر آرام کررہے ہیں جبکہ کیونڈش اپنے کیریئر میں ٹور ڈی فرانس کے مجموعی طور پر 32 مرحلے جیت چکے ہیں۔

خیال رہے کہ مارک کیونڈش بیلجیئم کے ایڈی مرک کے 34 اسٹیجز جیتنے کے عالمی ریکارڈ سے صرف دو فتوحات کے فاصلے پر ہیں۔