مشتعل ہجوم کے ہاتھوں قتل ہونے والے پریانتھا کمارا کو سپردخاک کردیا گیا

ویب ڈیسک

09th Dec, 2021. 04:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مشتعل ہجوم کے ہاتھوں قتل ہونے والے پریانتھا کمارا کو سپردخاک کردیا گیا

پاکستان میں مشتعل ہجوم کے ہاتھوں قتل ہونے والے سری لنکن مینجر پریانتھا کمارا کی آخری رسومات ادا کردی گئی ہیں۔

پاکستان کے صوبہ پنجاب کے شہر سیالکوٹ میں مشتعل ہجوم کے ہاتھوں قتل ہونے والے سری لنکن مینجر پریانتھا کمارا کی آخری رسومات ادا کردی گئی ہیں جس کی چند تصاویر بھی برطانوی نشریاتی ادارے نے شیئر کی ہے۔

شیئر کی گئی تصویر میں پریانتھا کمارا کی اہلیہ اور دونوں بیٹے موجود ہیں جو شدت غم سے نڈھال ہیں جبکہ ان کے بیٹے شدت غم سے اپنے والد کا آخری دیدار کررہے ہیں۔

واضح رہے کہ پریانتھا کمارا کا جسد خاکی لاہور ایئرپورٹ سے سری لنکن ایئرلائن کی پرواز کے ذریعے کولمبو بھجوائی گئی تھی جبکہ اس موقع پرسری لنکن سفارتخانے کے افسران بھی موجود تھے۔

یہ بھی پڑھیں: مقتول پریانتھا کو چھت پر کون لے کر گیا؟ تحقیقات میں اہم انکشافات

پریانتھا کمارا سیالکوٹ میں کھیلوں کا سامان بنانے والی فیکٹری میں بطور مینیجر فرائض انجام دے رہے تھے، انہیں 3 دسمبر کو فیکٹری کے ملازمین نے مبینہ طور پر توہین مذہب پر ہلاک کردیا تھا۔

پریانتھا کمارا کے قتل کے الزام میں 120 سے زائد افراد کو حراست میں لیا گیا جبکہ پولیس نے مرکزی ملزم کو بھی گرفتار کرنے کا دعوی کیا ہے۔

اس واقعہ پر پاکستان کی تمام مذہبی اور سیاسی جماعتوں و تنظیموں نے مذمت کی ہے جبکہ وزیر اعظم عمران خان نے واقعے میں ملوث تمام افراد کو قرار واقعی سزا دلوانے کے عزم کا اظہار کیا ہے۔