بگ بیش ٹی ٹوئینٹی کرکٹ لیگ میں میلبورن اسٹارز نے سڈنی تھنڈرز کو سنسنی خیز مقابلے کے بعد 4 رنز سے شکست دے دی۔

آسٹریلیا کے میلبورن کرکٹ اسٹیڈیم میں بگ بیش لیگ کے ساتویں میچ میں میلبورن اسٹارز اور سڈنی تھنڈرز مد مقابل تھیں۔

میلبورن اسٹارز نے پہلے بیٹنگ کرتے ہوئے مقررہ 20 اوورز میں 165 رنز بنائے ، افتتاحی بلے بازوں اور میلبورن اسٹارز کے کپتان گلین میکسویل کی ناکامی کے بعد مڈل آرڈر بیٹسمیںوں نے ٹیم کی ساکھ کو بچانے میں اہم کردار ادا کیا ، نک لارکن اور ہلٹن کارٹ نے شاندار بیٹنگ کرتے ہوئے اپنی ٹیم کے ٹوٹل کو باعزت مقام تک پہنچایا ، کارٹ نے 42 رنز بنائے جبکہ نک لارکن نے 52 رنز کی عمدہ ففٹی بنائی۔ سڈنی تھنڈرز کے میک اینڈریو نے ایک اور سندھا نے 2 وکٹیں حاصل کیں ۔

تعاقب کے ہدف میں سڈنی تھنڈرز کا آغاز بھی اچھا نہ تھا مگر اوپنرز کے جلد میدان بدر ہونے کے بعد بلنگس اور جائلکس نے ٹیم کو سنبھالا دیا، جائلکس نے 56 رنز کی شاندار اننگ کھیلی جبکہ بلنگس نے 43 رنز جوڑے ، ان دونوں کی پارٹنر شپ کے دوران ایک وقت ایسا بھی آیا کہ سڈنی تھنڈرز یہ میچ باآسانی جیت جائے گی مگر جارحانہ انداز اپنائے ہوئے بلنگس کا گلین میکسوئل نے خوبصورت کیچ لے کر اپنی ٹیم کو میچ میں واپس لے آئے۔ میلبورن اسٹارز کے کولٹر نائل نے 2 وکٹیں حاصل کیں۔

اس سنسنی خیز مقابلے میں میلبورن اسٹارز نے سڈنی تھنڈرز کو 4 رنز سے شکست دی۔