پولیو مہم میں رکاوٹ بننے والے دہشت گرد کو اس کے انجام تک پہنچانا ہوگا، بلاول بھٹو

ویب ڈیسک

11th Dec, 2021. 03:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پولیو مہم میں رکاوٹ بننے والے دہشت گرد کو اس کے انجام تک پہنچانا ہوگا، بلاول بھٹو

پاکستان پیپلز پارٹی (پی پی پی) کے چیئرمین بلاول بھٹو زرداری نے کہا ہے کہ پولیو مہم میں رکاوٹ بننے والے دہشت گرد کو اس کے انجام تک پہنچانا ہوگا۔

چیئرمین بلاول بھٹو زرداری نے خیبر پختونخوا کے ضلع ٹانک میں انسداد پولیو مہم کی ٹیم پر دہشت گردوں کے حملے کی مذمت کی، انہوں نے پولیو ٹیم پر حملے کے دوران شہید ہونے والے پولیس اہلکار کے اہلِ خانہ سے تعزیت کا اظہار کیا۔

انہوں نے کہا کہ کالعدم تحریک طالبان پاکستان نے ٹانک میں پولیو ورکرز پر حملہ کر کے ریاست کی رٹ کو چیلنج کیا ہے، پولیو سے محفوظ پاکستان کی منزل میں رکاوٹ بننے والے آخری دہشت گرد کو بھی اس کے انجام تک پہنچانا ہوگا۔

پاکستان پیپلز پارٹی (پی پی پی) کے چیئرمین بلاول بھٹو زرداری کا مزید کہنا تھا کہ ٹی ٹی پی کے دہشت گردوں سے نمٹنے کیلئے اسی عزم کی ضرورت ہے جس کو دہرا کر پی پی پی حکومت نے سوات میں پاکستان کا پرچم لہرایا۔