سابق فٹ بالر کیمرون کی فٹ بال فیڈریشن کے صدر منتخب

ویب ڈیسک

11th Dec, 2021. 08:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سابق فٹ بالر کیمرون کی فٹ بال فیڈریشن کے صدر منتخب

کیمرون کے سابق انٹرنیشنل فٹ بالر سیموئیل ایٹو کیمرون کی فٹ بال فیڈریشن کے صدر منتخب ہو گئے ہیں۔

اس عہدے کے لئے سیموئیل اور سیڈو میں مقابلہ تھا، سیڈو چار مرتبہ کنفیڈریشن افریقن فٹ بال کے وائس پریزیڈنٹ بھی رہ چکے ہیں۔

مگر مسند اقتدار کا تاج چار مرتبہ کے افریقن فٹ بالر آف دی ائیر کا خطاب پانے والے سیموئیل کے سر پر سجا۔

صدارت کے کرسی حاصل کرنے کی دوڑ میں سات امیدوار تھے مگر پانچ نے عین ووٹنگ سے قبل اپنے نام واپس لے لئے۔

کیمرون کی فٹ بال فیڈریشن کی صدارت سنبھالنے کے بعد سیموئیل نے کہا کہ ہم ملک کے دور دراز علاقوں کے فٹ بالرز کو مرکز میں جمع کریں گے کیونکہ یہی میری پالیسی ہے۔

بارسلونا، انٹرمیلان اور چیلسی فٹ بال کلب کے لئے فٹ بال کھیلنے والے نومنتخب فٹ بالر نے وعدہ کیا ہے کہ وہ اپنی صدارتی مدت کے دوران کیمرون میں بہترین سہولتوں سے آراستہ 10 فٹ بال اسٹیڈیم تعمیر کرائیں گے۔

سیموئیل ایٹو نے مزید کہا کہ کیمرون فٹ بال کو مارکیٹنگ کی سخت ضرورت ہے اور میں اس کھیل کی ترقی کے لئے بزنس کمیونٹی کے ہر ممبر سے رابطہ کروں گا۔