دنیا بھر میں سب سے زیادہ ڈاؤن لوڈ ہونے والے ویڈیوگیمز ’کال آف ڈیوٹی‘ موبائل سیزن 11 کو رواں ہفتے ریلیز کردیا جائے گا۔

اگر آپ اسمارٹ فون یا کمپیوٹر پر ویڈیو گیمز کھیلنے کے شوقین ہیں تو پھر یقیناً آپ نے سسپنس، ایکشن، اور جنگ و جدل سے بھرپور گیم’ کال آف ڈیوٹی ‘ کم از کم ایک بار ضرور کھیلا ہوگا۔

اس گیم کی مقبولیت کا اندازاہ اس بات سے بھی لگایا جا سکتا ہے کہ 2003 میں ڈیسک ٹاپ کمپوٹر کے لیے متعارف ہونے والا یہ گیم 15 سال بعد بھی، کمپیوٹر اور موبائل کے ساتھ ساتھ پلے اسٹیشن اور ایکس باکس جیسے گیمنگ کنسولز پر بھی اپنی مقبولیت برقرار رکھے ہوئے ہے۔ اور رواں سال کی پہلی سہہ ماہی تک اس 400 ملین سے زائد کاپیاں فروخت ہوچکی تھی۔

Icebreaker Map arriving next week with Season 11. #CODMobilepic.twitter.com/3KCZFForxu

Advertisement

— Call of Duty: Mobile News (@codmINTEL) December 12, 2021

کال آف ڈیوٹی کو گینیز بک آف ورلڈ ریکارڈ کے مطابق ’ فرسٹ پرسن شوٹنگ گیم ‘ میں سب سے زیادہ فروخت ہونے والے گیم کا اعزاز بھی حاصل ہے۔

کال آف ڈیوٹی موبائل سیزن 11 نئےمیدان جنگ کے ساتھ اسی ہفتے ریلیز ہونے جا رہا ہے۔

اس نئے سیزن میں کھلاڑیوں کے لیے کیا ہوگا؟

گیمنگ کی دنیا سے تعلق رکھنے والے تجزیہ کاروں کے مطابق توقع ہے کہ کال آف ڈیوٹی کے نئے سیزن کو اسی ماہ کی 17 تاریخ سے شروع کردیا جائے گا۔  اگرچہ یہ تاریخ ابھی تک حتمی نہیں ہے لیکن ماضی میں شروع کیے جانے والے سیزن کو مد نظر رکھتے ہوئے اس بات کا قوی امکان ہے۔

سیزن 11 سے کیا امیدیں رکھنی چایئے؟

رپورٹ کے مطابق دسمبر کی مناسبت سے اس کی تھیم برف باری یا سرد موسم پر مشتمل ہونے کی توقع ہے اورہوسکتا ہے کہ اسے ان فروزن ( غیر منجمد ) کا نام دیا جائے ۔

https://twitter.com/PlayCODNews/status/1470182209097187331?s=20

نیا نقشہ

سیزن 11 میں شامل جس فیچر کی تصدیق کی گئی ہے وہ اس میں شامل کیا گیا نیا نقشہ اور اس سیزن میں ایک آئس بریکر کی لینڈنگ ہے جب کہ اس میں شامل نقشے کو ماضی میں کال آف ڈیوٹی Black Ops 4 میں دیکھا گیا تھا، جس میں ایک آبدوز کو برف میں منجمد دکھائی گیا تھا۔

نئے ہتھیار

کال آف ڈیوٹی موبائل سیزن 11 میں کھلاڑیوں کے لیے نئی سب مشین گنز ( ایس ایم جیز)، جدید ڈسک تھرورر اور نئے اسٹور اسٹریک ( کا ل آف ڈیوٹی میں استعمال ہونے والا ملٹی پلیئرز میکنک سسٹم )بھی شامل کیے گیے ہیں