امارات، نئے کورونا کیسز میں پھر اضافہ، تعداد 100 کے قریب پہنچ گئی

ویب ڈیسک

14th Dec, 2021. 12:24 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امارات، نئے کورونا کیسز میں پھر اضافہ، تعداد 100 کے قریب پہنچ گئی

متحدہ عرب امارات میں کورونا کے کیسز پھر بڑھنے لگے۔ آج 13 دسمبر کو چوبیس گھنٹوں کے دوران کورونا کے 92 نئے مریض رپورٹ ہوئے۔

امارات کی سرکاری خبر ایجنسی وام نے وزارت صحت کے حوالے سے بتایا کہ متاثرین کی تعداد بڑھ کر7 لاکھ 42 ہزار894 ہوگئی ہے۔

وزارت صحت کے مطابق ملک میں گزشتہ چوبیس گھنٹوں کے دوران جدید تشخیصی آلات کی مدد سے کورونا کے مزید 2 لاکھ 45 ہزار 149 ٹیسٹ کیے گئے۔

وبا سے متاثرہ مریضوں میں سے مزید 71 مکمل صحتیاب ہوگئے۔ صحتیاب ہونے والوں کی تعداد 7 لاکھ 37 ہزار967 ہوگئی۔

بیان میں کہا گیا کہ پچھلے چوبیس گھنٹوں کے دوران زیرعلاج مریضوں میں سے کوئی ہلاک نہیں ہوا جبکہ مرنے والوں کی تعداد 2151 ہے۔

وزارت صحت کے اعلان کے مطابق چوبیس گھنٹوں میں کورونا ویکسین کی مزید 19 ہزار 855 خوراکیں دی گئیں۔ اب تک مجموعی طور پر ویکسین کی 2 کروڑ 21 لاکھ 92 ہزار 31 خوراکیں دی جا چکی ہیں۔