کراچی میں سردی کی شدت میں مزید اضافے کا امکان، محکمہ موسمیات نے خبردار کردیا

ویب ڈیسک

14th Dec, 2021. 12:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں سردی کی شدت میں مزید اضافے کا امکان، محکمہ موسمیات نے خبردار کردیا

شہر قائد میں کل سے سردی کی شدت میں مزید اضافے کا امکان بتایا جارہا ہے۔

محکمہ موسمیات نے خبردار کرتے ہوئے کہا ہے کہ مغربی ہواؤں کا سسٹم پاکستان پر اثرانداز ہورہا ہے، سسٹم کے باعث پاکستان کے شمالی علاقوں میں ہلکی بارش اور پہاڑوں پر برف باری کا امکان ہے۔

سسٹم سے کراچی میں بھی سردی کی شدت میں اضافے اور درجہ حرارت گرنے کا امکان ہے جبکہ رات میں درجہ حرارت 10 سے 11 ڈگری کے درمیان رہ سکتا ہے۔

محکمہ موسمیات کے مطابق 16 دسمبر کے بعد درجہ حرارت مذید کم ہوکر سنگل ڈیجٹ میں آسکتے ہیں۔

دوسری جانب بلوچستان کے بالائی علاقوں میں بھی یخ بستہ ہواؤں کی وجہ سے سردی کی شدت بڑھتی جا رہی ہےجبکہ گلگت بلتستان اور کشمیر میں مطلع جزوی ابر آلود اور موسم شدید سرد ہے۔

میٹ آفس کے مطابق دسمبر سے فروری کے دوران ملک کے جنوبی حصوں میں معمول سے قدرے کم جبکہ وسطی حصوں میں معمول کے قریب بارشیں متوقع ہیں۔

اس دوران گلگت بلتستان، کشمیر اور خیبر پختونخوا کے شمالی حصوں میں معمول سے قدرے زیادہ بارشیں متوقع ہیں۔