نور الحق قادری نے کہا ہے کہ پاکستان خطے میں قطر کے معتدل سیاسی کردار کو اہمیت دیتا ہے۔
وزیر مذہبی امور پیر نور الحق قادری سے مملکتِ قطر کے سفیر شیخ سعود عبدالرحمٰن الثانی کی ملاقات ہوئی جس میں دونوں ملکوں کے مابین تعلقات، معتدل سیاسی کردار اور تعاون پر بات چیت کی گئی۔
ملاقات میں مذہبی ہم آہنگی، معاشرے میں برداشت کے فروغ کیلئے مشترکہ کوششوں پر زور دیا جبکہ پاکستان اور قطر کے برادرانہ تعلقات کو مزید تقویت دینے کا عزم کیا۔
اس موقع پر نور الحق قادری نے کہا کہ پاکستان خطے میں قطر کے معتدل سیاسی کردار کو اہمیت دیتا ہے، قطر کے وزیر مذہی امور کو دورہ پاکستان کی دعوت دیتے ہیں۔
وزیر مذہبی امور پیر نور الحق قادری نے مزید کہا کہ خطے کی تعمیر وترقی میں دونوں برادر ممالک موثر شراکت دار ہو سکتے ہیں۔
Advertisement
ملاقات میں مملکتِ قطر کے سفیر شیخ سعود عبدالرحمٰن الثانی نے کہا کہ قطر میں مستقبل قریب میں مزید پاکستانی افرادی قوت کیلئے مواقع موجود ہیں، وزیر مذہبی امور کو قطر کے دورے کی دعوت دیتے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
