باسکٹ بال کے نئے ورژن فیبا 3*3 ورلڈ ٹور کے عالمی مقابلے سعودی عرب کے شہر جدہ میں منعقد کئے جائیں گے۔

عام باسکٹ بال کے کھلاڑیوں سے کم تین ، تین کھلاڑیوں اور ہاف کورٹ پر مشتمل یہ ایونٹ سعودی عرب کے کنگ عبداللہ اکنامک سٹی گراؤنڈ جدہ میں منعقد ہو گا۔

سعودی عرب کا شہر جدہ دوسری مرتبہ باسکٹ بال کے اس نئے ورژن کی میزبانی کرنے جارہا ہے، جو کہ 17 اور 18 دسمبر کو کھیلا جائے گا۔

فیبا 10 ویں ورلڈ ٹور فائنل کے اس عالمی مقابلوں میں 12 ٹیمیں حصہ لیں گی، یہ عالمی ایونٹ سعودی عرب کی منسٹری آف اسپورٹس کے ماتحت سعودی باسکٹ بال فیڈریشن منعقد کر رہا ہے۔ جو انٹرنیشنل باسکٹ بال فیڈریشن (فیبا) سے منظور شدہ ہے۔

باسکٹ بال کے اس نئے فارمیٹ میں 12 مختلف ممالک کے کلب حصہ لے رہے ہیں، جن میں رگا (لٹویا) ، یوبی (سربیا) ، لیمن (سربیا ) ایمسٹرڈیم ٹیلنٹ پرو (ہالینڈ) ، اینٹورپ (بلجئیم) ، سان جوآن پی سی آئی گروپ (پورٹوریکو) ، جدہ (سعودی عرب) ، ساکیائی گلبیلی (لیتھوینیا) ، گاگارین (روس) ، پرنسٹون (امریکہ) ، گریز (آسٹریا) ، اور لوسینی (سوئزرلینڈ) شامل ہیں۔

اس عالمی ایونٹ میں گریز اور اینٹورپ کی ٹیمیں شرکت کر رہی ہیں، جبکہ حیرت انگیز طور پر چار مرتبہ اس ٹرافی کی چمپئین سربیا کی نووی سیڈ ورلڈ ٹور فائنل مقابلے میں حصہ نہیں لے رہی ہے۔