نیب کی وجہ سے 1100 سے زائد بڑی مچھلیوں کو سزا سنائی گئی، جاوید اقبال

افضل جاوید

15th Dec, 2021. 07:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیب کی وجہ سے 1100 سے زائد بڑی مچھلیوں کو سزا سنائی گئی، جاوید اقبال

قومی احتسابی ادارے (نیب) کے چئیرمین جسٹس (ر) جاوید اقبال کا کہنا ہے کہ نیب کی موثر پیروی کی وجہ سے گزشتہ 4 سالوں میں 1194 بڑی مچھلیوں کو احتساب عدالتوں نے ٹھوس شواہد کی بنیاد پر سزا سنائی۔

چیئرمین نیب جاوید اقبال کی زیر صدارت اعلیٰ سطحی اجلاس میں نیب کی مجموعی کارکردگی سے متعلق جائزہ لیا گیا، اجلاس سے خطاب میں چیئرمین نیب نے کہا کہ نیب تاریخ میں پہلی بار ان فراد کو قانون کے کٹہرے میں لایا ہے جن کو ماضی میں کوئی پوچھ بھی نہیں سکتا تھا۔

جسٹس (ر) جاوید اقبال نے کہا کہ میگا کرپشن کیسز کو منطقی انجام تک پہنچانے کے لئے تمام وسائل بروئے کار لا رہے ہیں۔ 179 میگا کرپشن کیسز میں سے 66 کو منطقی انجام تک پہنچایا گیا،93 میگاکرپشن کیسز متعلقہ احتساب عدالتوں میں زیرِ سماعت ہیں۔

چئیرمین نیب نے اپنے خطاب میں کہا کہ بدعنوانی تمام مسائل کی جڑ ہے جس سے نہ صرف معاشرے کی سماجی و معاشی ترقی متاثر ہوتی ہے بلکہ دنیا بھر کے ممالک متاثرہوتے ہیں۔

ان کا مزید کہنا تھا کہ نیب نے پاکستان میں سی پیک منصوبوں کی نگرانی کے لئے چین کے ساتھ مفاہمت کی یادداشت پر دستخط کئے۔

چئیرمین نیب نے ہدات کی کہ نیب افسران ملک کو کرپشن فری بنانے کے لئے اپنی کوششیں دوگنی کریں۔