شمالی امریکی ملک ڈومینیکن ری پبلک میں طیارہ گر کر تباہ، 9 افراد ہلاک

ویب ڈیسک

16th Dec, 2021. 10:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شمالی امریکی ملک ڈومینیکن ری پبلک میں طیارہ گر کر تباہ، 9 افراد ہلاک

براعظم شمالی امریکا کے ملک ڈومینیکن ری پبلک میں طیارہ گر کر تباہ ہونے سے 9 افراد ہلاک ہوگئے۔

امریکی میڈیا کے مطابق ڈومینیکن ری پبلک کے دارالحکومت سانتو ڈومنگو کے لاس امیریکاس ایئر پورٹ پر ایک چھوٹا مسافر طیارہ ہنگامی لینڈنگ کے دوران گر کر تباہ ہوگیا۔

طیارے کی مالک نجی کمپنی نے کہا ہے کہ حادثے کے وقت طیارے میں 7 مسافر اور عملے کے 2 ارکان سوار تھے، جن میں سے کوئی بھی نہیں بچ سکا۔

یہ خبر بھی پڑھیں: میکسیکو میں فوجی طیارے کو حادثہ، 6 اہلکار ہلاک

حادثے کا شکار طیارے کی مالک کمپنی کا کہنا ہے کہ طیارے نے امریکی ریاست فلوریڈا سے اڑان بھری تھی اور اس کی منزل ڈومینیکن ری پبلک کا لا ازابیلا انٹرنیشنل ایئرپورٹ تھا، طیارے کو ٹیک آف کے 15 منٹ بعد ہی فنی خرابی کے باعث ہنگامی لینڈنگ کرنی پڑگئی لیکن کپتان کی یہ کوشش ناکام ثابت ہوئی۔

یہ خبر بھی پڑھیں: برازیل میں طیارے کوحادثہ، فٹبال کلب کے صدر اور کھلاڑی ہلاک

طیارے میں پورٹو ریکو کے معروف میوزک پروڈیوسر جوز اے ہرنینڈس اپنی بیوی اور بچے کے ساتھ سوار تھے، جوز اے ہرنینڈس خطے میں ’فلو لا مووی‘ کے نام سے مشہور تھے۔

طیارے کی مالک کمپنی نے کہا ہے کہ حادثے کی وجہ جاننے کے لیے ان کی کمپنی مقامی حکام سے مکمل تعاون کے لیے تیار ہے۔