بھارت کی معروف اداکارہ شلپا شیٹی کی اسپائیڈر مین کے ساتھ ڈانس ویڈیو سوشل میڈیا پر وائرل ہوگئی ہے۔

اداکارہ نے مائیکرو بلاگنگ ویب سائٹ ٹوئٹر پر ایک ویڈیو شیئر کی ہے۔

With great power comes great responsibility, Spidey! And, it’s your responsibility to get me the tickets lest there’s No Way Home for me because I couldn’t find them on the web 🕸👩‍💻😩🤪@TomHolland1996
.
.
.
.
.#Spiderman #NoWayHome #spidey #blessed #gratitude pic.twitter.com/7rRxyaFlse

— SHILPA SHETTY KUNDRA (@TheShilpaShetty) December 15, 2021

انہوں نے اس ویڈیو کو شیئر کرتے ہوئے لکھا ہے کہ بڑی طاقت کے ساتھ بڑی ذمہ داری آتی ہے، اسپائیڈی۔

شئیر کی گئی ویڈیو میں دیکھاجا سکتا ہے کہ شلپا شیٹی اپنے موبائل پر فلم اسپائیڈرمین: نو وے ہوم کے ٹکٹس ڈھونڈتے ہی جسے کمرے میں داخل ہوئیں۔

کمرے میں پہلے سے صوفے پر ایک آدمی  اسپائیڈر مین کے کوسٹیوم میں بیٹھا ہوتا ہے وہ اسے دیکھ کر خوش ہوتی ہیں اور اس سے فلم کا ایک ٹکٹ مانگتی ہیں۔

اداکارہ کو اسپائیڈر مین ٹکٹ دینے سے انکار کر دیتا ہے جس پر وہ اس کے ساتھ ایک ڈیل کرتی ہیں کہ وہ اسپائیڈر مین کو ڈانس سیکھائیں گی اور پھر بدلے میں وہ انہیں ٹکٹ دے گا۔

شلپا شیٹی، اسپائیڈر مین کو ڈانس سیکھاتی ہیں جس کے بعد وہ اداکارہ کو کہتا ہے کہ اس کے پاس فلم کے ٹکٹس ہیں ہی نہیں۔

واضح رہے کہ بالی ووڈ کی فلم اسپائیڈرمین: نو وے ہوم نے ریلیز ہونے سے پہلے ہی بھارت میں دھوم مچادی۔

بھارتی میڈیا رپورٹ کے مطابق سنیما گھروں نے فلم کی ریلیز سے قبل ٹکٹس کی بکنگ کا آغاز کیا تو پی وی آر سنیما نے صرف 3 گھنٹے کے اندر فلم کے 50,000 ٹکٹ فروخت کر کے تاریخی ریکارڈ قائم کردیا ۔

بھارت میں کام کرنے والی اس انٹرٹینمنٹ کمپنی کی 900 اسکرینز ہیں اور اس کی آمدنی کا تخمینہ 2.1 کروڑ روپے لگایا گیا ہے۔

یہ فلم جس کا دنیا بھر میں مداحوں کو بے تابی سے انتظار تھا بالآخر 17 دسمبر کو ریلیز ہونے والی ہے۔

اسپائیڈرمین: نو وے ہوم ہندوستان میں وبائی مرض کورونا وائرس کے دوران ریلیز ہونے والی سب سے بڑی اور کامیاب فلم ثابت ہوگی۔