گوجرانوالہ میں جماعت اسلامی نے احتجاج  کرتے ہوئے دھرنا دے دیا ہے۔

تفصیلات کے مطابق گوجرانوالہ جماعت اسلامی کے ضلعی امیر مظہر اقبال رندھاوا کی قیادت میں کارکنوں  کی جانب سے سی پی او آفس کا گھیراؤ کیا گیا جس کی وجہ سے سڑکوں پر ٹریفک جام ہونے لگا اور شہریوں کو مشکلات کا سامنا ہے۔

ذرائع نے بتایا کہ مظاہرین نے انتظامیہ اور پولیس کے خلاف  شدید نعرے بازی کی  ہے، مظاہرے میں جماعت اسلامی کے کارکنان  کی کثیر تعداد نے موجود ہے۔

جماعت اسلامی کی ضلعی امیر مظہر رندھاوا نے بتایا کہ ہمارے کارکن منیر کاوش پر تشدد کا واقعہ تھانہ جناح روڈ کی حدود میں پیش آیا  اور ملزمان اب تک گرفتار نہ ہوسکے۔

ضعلی امیر جماعت اسلامی نے کہا، کہ پولیس نامزد ملزمان کو ابھی تک گرفتار نہیں کرسکی اور پولیس شہر میں جرائم کو کنٹرول کرنے میں مکمل ناکام ہو چکی ہے۔

مظہر رندھاوا کا کہنا تھا، کہ ایک طرف وفاقی حکومت کی پالیسیوں اور مہنگائی کی وجہ سے عوام پریشان ہے تو دوسری جانب شہری انتظامیہ اور پنجاب حکومت کی کارکردگی بھی سوالیہ نشان ہے

انہوں نے مزید کہا ،کہ منشیات فروشی کو روکنے میں بھی پنجاب پولیس بے بس نظر آتی ہے، جلد کارکن پر تشدد کرنے والے ملزمان کو نہ پکڑا گیا اور شہریوں کو تحفظ فراہم نہ کیا گیا تو ہم  پنجاب بھر میں اپنا احتجاج کا دائرہ وسیع کریں گے۔