کویت، فوج میں پہلی بار خواتین کی بھرتی کی اجازت

ویب ڈیسک

17th Dec, 2021. 10:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کویت، فوج میں پہلی بار خواتین کی بھرتی کی اجازت

کویتی فوج میں پہلی بار خواتین کو بھرتی کرنے کی اجازت دے دی گئی۔

کویتی فوج کے کمانڈر کا کہنا ہے کہ دو ماہ قبل فیصلہ کیا گیا تھا کہ خواتین کو عسکری شعبے میں شامل کیا جائے گا۔ فیصلے پرعملدرآمد کرتے ہوئے آئندہ اتوار کے روز سے بھرتی کا آغاز کیا جائے گا۔

عاجل ویب سائٹ کے مطابق کویتی فوجی حکام کی جانب سے جاری بیان میں کہا گیا ہے کہ گریجویٹ، ڈپلومہ ہولڈر، بارہویں، گیارہویں یا اس سے کم درجے کی تعلیمی قابلیت رکھنے والی خواتین نان کمیشنڈ آفیسر اور آفیسر کے لیے درخواستیں دے سکتی ہیں۔

امیدوارخواتین کے لیے جاری کی گئی شرائط میں کہا گیا ہے کہ درخواست گزار کویتی ہو، عمر کی حد 18 سے 26 برس ہو، پیشہ ورانہ اور فنی مہارت کے شعبے سے تعلق رکھنے والی خواتین عمر کی انتہائی حد سے مستثنیٰ ہوں گی، امیداوار خواتین صحت مند اور اچھے کردار کی مالک ہوں۔

بھرتی کے لیے ایک شرط یہ بھی ہے کہ امیدوار خاتون فوجداری کے کسی مقدمے یا غیر اخلاقی سرگرمی، امانت میں خیانت جیسے کسی کیس کی سزا یافتہ نہ ہو اور ان کی ڈگری کویت میں منظور شدہ ہو۔