نیب ’احتساب سب کے لیے‘ کی پالیسی پر یقین رکھتا ہے، چیئرمین نیب

نیب ’احتساب سب کے لیے‘کی پالیسی پر یقین رکھتا ہے، چیئرمین نیب

ویب ڈیسک

20th Dec, 2021. 08:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نیب ’احتساب سب کے لیے‘کی پالیسی پر یقین رکھتا ہے، چیئرمین نیب

Chairman NAB, karachi nab, meeting, NAB, National Accountability Bureau, Pakistan, جاوید اقبال, جسٹس (ر), نیب, چیئرمین, چیئرمین نیب

چیئرمین نیب جسٹس (ر) جاوید اقبال کا کہنا ہےکہ میگا کرپشن مقدمات کو منطقی انجام تک پہنچانا نیب کی اولین ترجیح ہے۔

چیئرمین نیب جسٹس (ر) جاوید اقبال کی جانب سے جاری اعلامیے میں کہاگیا کہ نیب ’احتساب سب کے لیے‘ کی پالیسی پر بھرپور یقین رکھتا ہے، نیب کا تعلق کسی سیاسی جماعت، گروپ اور فرد سے نہیں بلکہ ریاست پاکستان سے ہے۔

انہوں نے کہاکہ ملک کی ترقی اور معاشی خوشحالی میں بزنس کمیونٹی کا کردار انتہائی اہم ہے، نیب نے انکم ٹیکس، سیلز ٹیکس اور انڈر انوائسز کے کیسز ایف بی آر کو بھجوا دئیے تھے۔

چیئرمین نیب نے کہاکہ وائٹ کالر کرائمز کی انویسٹی گیشن بڑا چیلنج ہے، نیب افسران ملک سے بدعنوانی کے خاتمہ کو قومی فرض سمجھ کر ادا کر رہے ہیں، گزشتہ 4 سالوں میں نیب کے 1194 ملزمان کو معزز احتساب عدالتوں نے سزا سنائی۔

چیئرمین نیب جسٹس (ر) جاوید اقبال نے مزید کہاکہ نیب نے اپنے قیام سے اب تک 821 ارب روپے بلواسطہ اور بلاواسطہ طور پر برآمد کیے۔