جاپانی حکومت نے شہریوں کی سہولت کے لئے کورونا ویکسینیشن کی اسمارٹ فون ایپ کا آغاز کر دیا ہے۔

 یہ موبائل ایپ عوامی مقامات پر انتظامیہ کی جانب سے لوگوں کے کورونا ویکسینیشن کی تصدیق کے لئے بنائی گئی ہے تاکہ انتظامیہ کو معلوم ہو سکے کہ انہیں کورونا وائرس سے بچاؤ کی ویکسین لگ چکی ہے۔

استعمال کرنے والے اسمارٹ فون سے قومی شناختی نمبر کارڈ کو اسکین کرتے ہیں، اور ایپ ان کو لگے ٹیکے کی صورتحال کو ظاہر کر دیتی ہے۔

ٹوکیو کے شِیناگاوا ضلعے نے اپنے دفتر میں ایک بوتھ قائم کیا ہے تاکہ ایپ استعمال کرنے میں دشواری کا سامنا کرنے والوں کو مدد فراہم کی جا سکے۔

حکام کا کہنا ہے کہ وہ اُن رہائشیوں کو کاغذی سرٹیفکیٹ جاری کریں گے جن کے پاس شناختی کارڈ یا اسمارٹ فون نہیں ہے۔

کورونا وائرس کے باعث ایک مرتبہ پھر ہنگامی حالت کا اعلان کیے جانے کی صورت میں حکومت ریستورانوں، شراب خانوں اور تقریبات وغیرہ کے انعقاد کے مقامات پر ویکسینیشن کا سرٹیفکیٹ پیش کرنے والے لوگوں کے لیے، باہمی سماجی فاصلے کی پابندیاں عائد نہ کرنے کا ارادہ رکھتی ہے۔

ایپ پر موجود معلومات، ویکسینیشن کے ملک گیر ریکارڈ سسٹم میں ذخیرہ کردہ ڈیٹا پر مبنی ہیں۔

جاپانی حکومت نے اس بات کا بھی اعتراف کیا ہے کہ تقریباً ایک لاکھ کورونا ویکسینیشن سرٹیفیکیٹس کی تصدیق پر شکوک و شبہات ہیں۔