گورنر اسٹیٹ بینک آف پاکستان ڈاکٹر  رضا باقر نے کہا ہے کہ اگر بزنس بڑھے گا تو روز گار بڑھے گا۔

چیمبر آف کامرس اینڈ انڈسٹری ملتان میں تقریب سے خطاب اور میڈ یا سے گفتگو کرتے ہوئے گورنر اسٹیٹ بینک نے کہ کہا ہم چاہتے ہیں ممبرز کا کاروبار آگے بڑھے،پوری دنیا میں کورونا وائرس تھا ملک میں ایسا ڈر تھا پتہ نہیں کیا ہوگا۔ ساری دنیا میں گلوبل لاک ڈاؤن تھا حکومت اور اسٹیٹ بنک نے مل کر ایک پیکج نکالا ہے تاکہ معیشت کو ڈوبنے نہ دیا جائے۔

انہوں نے کہا کہ ہم نے جی ڈی پی گروتھ کو چار فیصد بڑھایا اگر کوئی نئی انوسٹمنٹ کرنا چاہتا ہے اس کو اسٹیٹ بینک سہولت دے گا۔

ان کا کہنا تھا کہ پاکستان کے مختلف چیمبر آف کامرس کے ساتھ مل کر مخلتف اسکیموں کو چلانا ہے،کچھ چیمبرز نے سکیموں کو اچھے انداز سے چلایا ہے۔

رضا باقر نے کہا کہ کوویڈ میں اسپتال بنانے کے لئے پورے ملک میں 18 ملین کا ڈسپرس ہوا جبکہ پورے ملک میں 240 ارب کی ڈسپرسمنٹ ہوئی ہے۔

انہوں نے کہا کہ ہم نے ایس ایم ای سیکٹر کو سپورٹ کرنے کا فیصلہ کیا ہے اسی لیے تین سال کا انسینٹیو پیکج دیا ہے۔

گورنر اسٹیٹ بینک ڈاکٹر باقر رضا نے کہا اگر بزنس بڑھے گا تو روز گار بڑھے گا۔ اپنے گھر کا خواب بہت ہی کم لوگوں کا پورا ہوا ہے،پانچ اور دس مرلے کے گھر کا خواب پورے کرنے کے لیے حکومت نے اسکیم نکالی ہے جس پر مارک اپ ریٹ پانچ سے ساتھ فیصد ملے گا۔