حافظ آباد میں ریسکیو 1122 اور سٹی ٹریفک پولیس نے دھند اور سموگ سے بچاؤ اور احتیاطی تدابیر کے سلسلے میں آگاہی واک کا اہتمام کیا۔
واک گوجرانوالہ روڈ سے شروع ہو کر جناح چوک پر اختتام پزیر ہوئی جس میں نجی کالج کے طلباء اور طلبات کی کثیر تعداد نے شرکت کی۔
واک کا مقصد شہریوں کو آلودہ ماحول سے بچنے اور دوران سفر ماسک اور چشمے کے استعمال کے بارے میں آگاہی دینا تھا۔
واک کے منتظمین کا کہنا تھا کہ ماسک پہننے اور چشمہ لگانے سےشہری سانس ، گلے اور پھیپھڑوں کے مختلف امراض سے محفوظ رہ سکیں گے۔ اس لئے شہری ماسک اور چشمے کے استعمال کو یقینی بنائیں۔
منتظمین نے کہا کہ گھر سے باہر نکلتے وقت چشمے کا استعمال کریں اور سفر کے دوران یا بعد میں آنکھوں کو پانی سے اچھی طرح دھوئیں ، ہلکا اور ڈھیلا ڈھالا لباس پہنیں ، سر پر ٹوپی یا رومال ضرور رکھیں اور ناک و منہ کو ماسک یا رومال سے ڈھانپ کر رکھیں۔
Advertisement
ان کا کہنا تھا کہ سردی کے موسم میں دھند اور دھویں کی آمیزش سے ماحول میں سموگ کی صورتحال انسانی صحت کے لئے نقصان دہ ہو سکتی ہے جس سے بچاؤ کی احتیاطی تدابیر کے بارے میں زیادہ سے زیادہ آگاہی بہت ضروری ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
