انڈر 19 ایشیا کپ: روایتی حریفوں کے درمیان کل کانٹے کا مقابلہ متوقع

ویب ڈیسک

24th Dec, 2021. 02:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انڈر 19 ایشیا کپ: روایتی حریفوں کے درمیان کل کانٹے کا مقابلہ متوقع

انڈر 19 ایشیا کپ میں روایتی حریفوں پاکستان اور بھارت کے درمیان میچ کل ہوگا۔

تفصیلات کے مطابق متحدہ عرب امارات میں جاری انڈر 19 ایشیا کپ کا آغاز 23 دسمبر سے ہوا ہے۔

پاکستان اور بھارت کل 25 دسمبر کو آمنے سامنے آئیں گے جہاں دونوں ٹیموں کے مابین کانٹے کا مقابلہ متوقع ہے۔

کرکٹ کے کسی بھی میدان میں پاکستان اور بھارت آخری مرتبہ مینز ٹی ٹوئنٹی ورلڈکپ 2021 میں آمنے سامنے آئے تھے جہاں پاکستان نے بھارت کو 10 وکٹوں سے شکست دی تھی۔

یاد رہے کہ دونوں ٹیمیں ایونٹ میں اپنا اپنا پہلا میچ جیت چکی ہیں۔ گزشتہ روز کھیلے گئے اپنے پہلے میچ میں بھارت نے میزبان یو اے ای اور پاکستان نے افغانستان کو شکست دے کر ایونٹ کا فاتحانہ آغاز کیا تھا۔

پاکستان نے شاندار بالنگ کا مظاہرہ کرتے ہوئے افغان ٹیم کو 52 رنز پر ڈھیر کردیا تھا۔

تاہم 53 رنز کے مختصر ہدف کے تعاقب میں پاکستان ٹیم بھی مشکلات کا شکار رہی تھی اور اسے 4 وکٹوں سے فتح نصیب ہوئی تھی۔

واضح رہے کہ گزشتہ ایشیاکپ انڈر 19 میں پاکستان کوبھارت کے ہاتھوں شکست کا سامنا کرنا پڑا تھا۔