کوہلو کنل میں فروخت کی جانے والی نومولود بچی کی والدہ نے پریس کانفرنس کرتے ہوئے کہا کہ ہمیشہ خواتین کی آواز کو دبایا جاتا ہے ۔

والدہ کا کہنا تھا  کہ ہم کو نومولود بچی تو واپس مل گئی ہے لیکن دوہفتے گزرنے کے بعد راضی نامہ نہ دینے پر ملزمان جان سے مارنے کی دھمکیاں دے رہے ہیں۔

انہوں نے الزام عائد کیا کہ کیس کے تفتیشی آفیسرملزم سے پیسے لیکر کیس کو کمزور کررہے ہیں، انصاف کے لئے یہاں آئی ہوں یہاں پرخواتین کی آواز کو دبانے کی کوشش کی جاتی ہے، مجھے راضی نامہ دینے کے مختلف قسم کے حربے استعمال کئے جارہے ہیں۔

، بچی کی والدہ نے کہا کہ ملزمان کو سزا دینے کی بجائے ان کی سرپرستی کی جارہی ہے،  نہ جانے مجھے انصاف ملے گا یا پھر مجھے قتل کر دیا جائے گا اگر مجھے میرے والد یا بھائی کو کوئی جانی نقصان ہوا تو اس کی زمہ دار ضلعی انتظامیہ ہو گی۔

خاتون کے والد کا کہنا تھا کہ میری بیٹی کو انصاف دیا جائے، ان کے اوپر ظلم ہوا ہے اورہم کو مارنے کی دھمکیاں مل رہی ہیں، ہماری اعلیٰ حکام سے اپیل ہے کہ انصاف فراہم کیا جائے۔

 ان کا کہنا تھا کہ  ملزمان کے خلاف آئین و قانون کے تحت ایف آئی آر میں 371اے اور 366 و دیگر دفعات بھی شامل کئے ہیں جو ناقابل ضمانت ہیں، مگرملزمان کی جانب سے ریمانڈ مکمل ہونے کے بعد آج ضمانت کی درخواست بھی دائر کردی گئی ہے۔