بھارتی مسلمانوں پر ظلم نے بنی اسرائیل کی یاد دلا دی فاروق عبداللہ

ویب ڈیسک

25th Dec, 2021. 12:36 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی مسلمانوں پر ظلم نے بنی اسرائیل کی یاد دلا دی فاروق عبداللہ

مقبوضہ کشمیر کے سابق وزیر اعلیٰ فاروق عبداللہ نے مودی سرکار کو فرعون سے تشبیہ دے دی۔

فاروق عبداللہ نے کہا کشمیر کی وادی میں بھارتی فوج کے مظالم کے خلاف سخت لاوا پک رہا ہے، مودی سرکار نے مسلمانوں پر مظالم کی تمام حدیں پار کر لی ہیں۔

انہوں نے کہا کہ مودی سرکار فرعون بن کر بھارتی مسلمانوں پر بنی اسرائیل کی طرح مظالم ڈھا رہی ہے۔

مجھے یقین ہے کہ فرعون کی فرعونیت کو نیست و نابود کرنے کے لئے ایک اور موسیٰ جلد پیدا ہو گا جو بھارتی مسلمانوں کے لئے نجات دہندہ بن کر آئے گا۔

بھارتی نشریاتی ادارے کو نم آنکھوں سے انٹرویو دیتے ہوئے فاروق عبداللہ نے کہا کہ ظلم کی بھی ایک حد ہوتی ہے۔

سابق وزیر اعلیٰ فاروق عبداللہ نے کہا کہ گزشتہ سال کشمیر میں آرٹیکل 370 ختم کیا گیا اور کہا گیا کہ کشمیر کی بگڑی ہوئی صورتحال اس آرٹیکل کی وجہ سے تھی۔

لیکن اس آرٹیکل کو ختم کئے ایک سال سے زائد کا عرصہ گزر چکا ہے کشمیر اب پہلے سے زیادہ ظلم کی آگ میں دہک رہا ہے۔

اب کشمیر کے وہ علاقے جو پر امن تھے ان میں بھی حالات کشیدہ ہو چکے ہیں ان کا ذمہ دار کون ہے وہ آرٹیکل یا اس کو ہٹانے والی مودی سرکار کی ناکام پالیسی ہے۔